首先流出的 J 系列新機，是入門級的 J1 (2016)，呢部 J1 在二月剛推出的時候，其實都可以話係有市場的，雖然個 spec 係差啲，但勝左千元價位，而且能夠支援 4G。不過版主我個人就唔係咁睇好呢部機，但見而家 Samsung 再次推出呢部機的升級版，就一於睇下佢有啲咩野進步! 咁比較番上一代的 J1，今次新版的 J1 個芒相對地大左，採用了 4.5 吋屏幕，但 4.5 吋芒在香港黎講，似乎吸引力並不太大。至於解像度方面有無提升，目前尚是未知之數，應該唔會好似上一代咁，仲用緊 800 x 480 pixel 卦?
▲ Samsung Galaxy J1 (2016) 版本，你見到開機畫面會寫住 J1(6)。而 J1 (2016) 同樣支援雙卡雙待 4G 功能。
▲ J1 (2016) 同上一代不同的是，佢採用了 4.5 吋屏幕，比上一代個芒大左。
在規格方面，J1 (2016) 亦同上一代有明顯的差別。首先，上一代的 J1 採用左四核心 Marvell PXA1908 1.2GHz 處理器，而且記憶體只有 768MB RAM，而儲存空間只有 4GB ROM，對於今時今日大部份黎講，絕對絕對不夠用! 而新一代的 J1 將會用番 Samsung 自家 Exynos 3457 四核心處理器，以處理器穩定程度來說，個人認為 Samsung 的自家處理器應該會信得過嘅。另外，J1 (2016) 將會內置 1GB RAM 以及 8GB ROM，老老豆豆，即使係提升左，但依然係唔夠用，只能說幫到少少而已。不過諗番，其實佢不過是部千元入門機姐，咁又唔要求到咁多嘅。至於相機方面就同上一代一樣，都係採用 500 萬像素主鏡頭以及 200 萬像素前置鏡頭。
上一代的 J1 就在 2 月推出，所以估計 2016 年版本的 J1 應該都會在 2016 年第一季發佈，對於呢部入門機，唔知大家有咩睇法呢?
來源：SamMobile