大芒旗艦邊部平過大鋪？Samsung Note 5 同 Nexus 6P ！
今次版主會用大芒以及相對上較細的細芒機款作分類，同時要留意係大鋪連番劈價之下，細鋪好難完全做到比大鋪賣價更平，大家到細鋪買機時行多幾間比較下應該會有意外收獲。以大芒旗艦來講，大家可以留意有兩款係大鋪唔會點平，或者應該叫唔係平左好多的，一部係 Samsung 的 Note 5 而另一部就係「親生仔」 Nexus 6P 。Samsung 全線手機係劈價戰中雖然有減，但價錢仍然係一眾牌子次中企得最硬的。連 Apple 都有 iPad Mini 3 被人即減 $1300 ，但 Samsung 最多都係得 $900 ，仲要係 csl 的 Note 5 賣價。難怪係劈價戰之後，聽說 V10 同 Z5 Premium 的銷量多左好幾倍（前者當然更多），而 Note 5 卻無乜大變動了。係細鋪方面，版主在有賣行貨的鴨寮街細鋪找到有 32GB Note 5 賣價只係 $4688 ，價錢比起大鋪 $4888 賣價更平之餘亦都比起 csl $4788 呢個價錢更平。
另外一部可以一提的大芒旗艦 Nexus 6P 係大鋪先減 $400 及後再加碼變成減 $600 ，令 64GB 版本 Nexus 6P 都由差不多五千減到四千四有找。不過係細鋪 Nexus 6P 就繼續向更便宣的價錢邁進緊， 64GB 版 Nexus 6P 係深水埗細鋪價錢落到 $4150 ，比大鋪平兩百多。 32GB 版 Nexus 6P 就賣 $3950 ，平一百蚊左右。
▲ 呃⋯⋯雖然係 blur 左小小，但都可以見到 Nexus 6P 係賣緊 $4150 64GB 版以及 $3950 32GB 版嘅。
Sony Z5 跟大鋪價錢差距擴大 One A9 比定價平一千
以上兩款巨芒旗艦即使細鋪價錢比較平，但大家可能會覺得平得唔算多，以減價程度而言 Xperia Z5 就會比之前提到的旗艦減得更多。係大鋪連番減價之下， Xperia Z5 已經做到「即減 $1300」，但因為定價跟 LG V10 相同，咁作為精明的消費者，當然曉得邊部機性價比更高啦！係 Z5 同 V10 賣價相當的情況下，細鋪要谷 Z5 銷量最佳方法就係劈價，現時已經有細鋪將 Xperia Z5 價錢減至 $4080 ，平多大鋪差不多三百。最後，除左 Xperia Z5 之外，另一部比起大鋪更平，但又算唔上旗艦級數的 HTC 新機 One A9 價錢都不斷跌。大鋪連減兩次之後， One A9 看來仍然仲繼續減價勢頭。係今個星期大鋪將 One A9 32GB 以及 16GB 版本價錢各減一百之後，細鋪都跟住再減，同樣都係減多一百。現時 One A9 係細鋪價錢大約為 32GB 版 $3498 、 16GB 版本就賣緊 $3298 。如果以定價計算，其實 One A9 32GB 版剛剛好已經減左一千蚊啦！
▲ 對想入手 Z5 Premium 的朋友來講，而家係大鋪買係更抵的，因為細鋪一般只能做到 $4798 呢個價錢。
（以上圖片係於旺角影的，Xperia Z5 賣 4080 的細鋪跟 Nexus 6P 是同一間，但係 Note 5 賣價 $4688 卻係鴨寮街另一間細鋪）
▲ HTC One A9 同 Xperia Z5 一樣，唔知點解跌極都仲有，真係唔知遲買可以平多少。
在文章發佈時， Samsung Galaxy Note 5 32GB 版本價錢為 $4888 ，按此看手機詳細規格及最新賣價。
在文章發佈時， Sony Xperia Z5 賣價為 $4398 ，按此看手機詳細規格及最新賣價。
在文章發佈時， Google Nexus 6P 32GB 版本賣價為 $4188 ，按此看手機詳細規格及最新賣價。
在文章發佈時， Google Nexus 6P 64GB 版本賣價為 $4488 ，按此看手機詳細規格及最新賣價。
在文章發佈時，HTC One A9 16GB 版本價錢為 $3398 ，按此看手機詳細規格及最新賣價。
在文章發佈時，HTC One A9 32GB 版本價錢為 $3598 ，按此看手機詳細規格及最新賣價。