主題:紐約街頭夜拍評測!三星 Galaxy Note9 相機攝力 強?

ePrice HK
  • 發表時間:2018-08-10 18:09 收錄檢舉
    一部手機攝力勁唔勁,會好影響版主想唔想用呢部機。而 so far 用過咁多部手機,喺相機部份可以吸引到我用的,有兩部。一部係三星 Galaxy Note8,而另一部係華為 P20 Pro。而家三星 Galaxy Note 系列出到 Note9,相機實力絕對會比舊代更進一步,再加上今代加入了 AI 場景辨識功能,版主好想知道,到底加入了 AI 的 Galaxy Note9 ,影出來的成像質素係點,就等我哋一齊睇下啦!

    紐約街頭夜拍評測!三星 Galaxy Note9 相機攝力 強?
     

    S9 / S9+ 一樣的硬件配置,加入了 AI 場景辨識功能

    今時今日大部份手機在日拍都有不錯的表現,更何況這部三星 Galaxy Note9 是旗艦機,日拍一定無大問題。關鍵是到底在夜拍部份,能否保持質素,所以在這篇文章中,版主就集中測試 Note9 的夜拍表現。

    事實上,三星 Galaxy Note9 所用的雙鏡頭模組,跟 S9 / S9+ 上的都是一樣,兩個鏡頭同樣是 1200 萬像素,光圈值分別為 F1.5 以及 F2.4,在自動模式下,手機會隨着環境的需要,在 F1.5 以及 F2.4 兩個光圈自動進行切換,暗的環境下,咪開大光圈囉,光嘅環境下,就用較小的光圈。另外,佢 F2.4 的鏡頭同時亦都係一個望遠鏡頭,具有等效 52mm 的 2x 光學變焦功能。同時,Note9 的兩個鏡頭,亦都支持 OIS 光學防震功能。

    不過,以上講嘅全是廢話。點解呀?因為上面所講嘅功能,根本就同 S9 / S9+ 一樣,無分別。如果係咁,那 Note9 就沒有甚麼好試...... 錯!Note9 相機部份最大的賣點,就是終於都加入了 AI 場景辨識功能,場景包括夜景、美食、人像、逆光等等,會自動辨識你要拍攝的事物,從而自動套上相應的參數設定。對於平時習慣用自動模式的網友來說,加入 AI 功能無疑會令你相片的「呃 Like 度」大大提高。

    紐約街頭夜拍評測!三星 Galaxy Note9 相機攝力 強?
    ▲ 例如在光線不太夠的環境下,三星 Galaxy Note9 有時會辨識到是夜景,並開啟夜景模式。

    現在,我們就來看看,到底 Note9 拍出來的夜拍相片成像如何。

    紐約街頭夜拍評測!三星 Galaxy Note9 相機攝力 強?
    ▲ 這裡是中央車站,而放大車站頂部來看,可以見到在夜拍下,線條依然保持清晰,細緻度不錯。

    紐約街頭夜拍評測!三星 Galaxy Note9 相機攝力 強?
    ▲ 相機的 AI 可以辨認出這是一隻「動物」,從而套用適合影動物的參數設定。你覺得隻馬有無感覺靚咗呢?而我最欣賞嘅係,Note9 影出來的成像,並不會有太大的油畫化現象,要知道好多廠商都拍唔到這樣的質素。

    紐約街頭夜拍評測!三星 Galaxy Note9 相機攝力 強?
    ▲ 在背光的環境下,前方與後方的景物依然能夠看得清楚,並沒有出現強烈的曝光情況,對光的控制比以往有所改善。

    紐約街頭夜拍評測!三星 Galaxy Note9 相機攝力 強?
    ▲ 放大睇可以好清楚見到小販車上的圖跟字,線條相當清晰。(見到就覺得肚餓......)

    紐約街頭夜拍評測!三星 Galaxy Note9 相機攝力 強?
    ▲ 從呢張相入面都可以見到,Note9 相機對光的控制進步了不少,至少看紅色 ERNST & YOUNG 的招牌,並沒有光到化開哂嘅情況。

    紐約街頭夜拍評測!三星 Galaxy Note9 相機攝力 強?
    ▲ 記得上年 Stay Behind,其中一個去的景點,就是這間圖書館,佢係美國最大的公共圖書館,今次重遊舊地。

    紐約街頭夜拍評測!三星 Galaxy Note9 相機攝力 強?
    ▲ 在來多張中央車站的相片,一句講哂:相當滿意!
     

    小結

    睇完以上的試相之後,網友又對三星 Galaxy Note9 的相機有甚麼意見呢?會否有跟版主不一樣的評價? 雖然 Note9 的相機,未必可以說是天下無敵,但版主試玩過之後,係會想之後都用佢。再加上而家換上 4000mAh 大電,唔使再成日擔心出現影得多相影到無哂電的情況。網友又點睇呢?
     

    Samsung Galaxy Note9 評測系列

    Galaxy Note 9 電池續航測試奪冠
    4K 拍攝比拼 iPhone X vs Galaxy Note 9 邊個係大贏家
    插線、按掣即變身 Dex 桌面模式
    三星 Note9 自動模式影相評測
    升級「人像AR」幫你變靚仔! 用 S Pen 寫字都得!
    紐約街頭夜拍評測!三星 Galaxy Note9 相機攝力
    藍機 + 黃筆 係靚嘅!三星 Galaxy Note9 開箱 + 效能評測
    三星 Note 9  S Pen 神奇試!藍牙十米遠 操控手機影女無難度

    Samsung Galaxy Note 9 於 8 月 31 日香港上市,售價未定。按這裡有更詳細規格及最新賣價
     

     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Samsung Galaxy Note9 (6GB / 128GB)
    • 現時售價: HK $6,998
    • 尺寸: 161.9 x 76.4 x 8.8 mm / 201 g
    • 電池: 4000 mAh
    • 插卡: microSD
    • 螢幕: 2960 x 1440、 6.4 吋 S-AMOLED
    • 相機: 1200 萬像素CMOS
    • 顏色:
    • 時間: N/A
    • 上市: 2018-08-31
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔