限時試到啱！免費 30 日試用三星 Z Fold2、Z Flip 摺芒手機

左定坤 (Cho Ting Kwan) 2021-05-27 17:26 | Samsung

唔知大家有無試過，買完手機返到去玩完一輪，覺得唔滿意後悔莫及呢？而你又有無諗過，買完手機返去唔滿意，有得申請退款呢？我就未試過，亦都無乜聽過可以咁做。不過，版主今日就收到新聞稿，三星推出「Galaxy 30 日試用計劃」，等你可以試啱先。想知詳情，睇下文啦！



三星今日宣佈，由聽日 5 月 28 日起至 6 月 30 日期間，只要到三星專門店或者三星網上商店，購買 Galaxy Z Fold2 / Galaxy Z Flip 摺芒手機，可以登記試用 30 日，除咗免費送 Galaxy Buds Live 無線降噪耳機之外，之後用唔啱可以喺試用期第 15-30 日退還手機及退款。不過要注意嘅係，如果你用完 30 日覺得唔啱玩，退貨嘅同時要將贈品一併退還。

呢個三星「Galaxy 30 日試用計劃」，絕對係一個唔捨得買摺芒手機但又想體驗一下摺芒手機嘅好機會。網友又點睇呢？