翻查紀錄，上個月中後期嗰陣，我先同大家分享過三星摺芒旗艦減價嘅消息，估唔到一個月後嘅今日，大舖再進一步有新低價，而且減價到同 Galaxy S22 只係相差 $100。雖然粒 U 係舊，但摺芒機貴在技術含量會高啲，所以一般嚟講價錢都唔太平。不過而家大舖要清貨，就另計，賣呢個價錢，你又會點揀呢？睇下文啦！
說的是三星 Galaxy Z Flip3 5G，上個月先同大家分享過，呢部手機減價到 $6298，一個月後今日，豐澤再有限時減價清貨，減多 $300 至 $5998，跌穿咗六千關口，不過只限黑色，其他色依然賣緊 $7298。睇返現時最新 S8 Gen 1 嘅 Galaxy S22 價錢，建議零售價係 $5898，即係而家兩部手機相差 $100，一部粒 U 新啲，一部係摺芒機，相若價錢你買邊部？
規格方面，Galaxy Z Flip3 5G 係一部屏幕相對較細嘅摺芒手機，打開後有 6.7 吋芒，另外都有個 1.9 吋副屏幕，配備 Qualcomm S888 處理器，Galaxy Z Flip3 5G 內置 8GB RAM 以及 256GB ROM，電池容量為 3300mAh。相機部分，Galaxy Z Flip3 5G 用上 12MP 標準 + 12MP 超廣角雙鏡頭，前置鏡頭則為 10MP。
按這裡有購買連結
