雖然就無 Galaxy A73，不過當中嘅 Galaxy A53 開賣無耐已經即減價，想知詳情，睇下文啦！說的是中國移動香港 CMHK 網店，三星 Galaxy A53 淨機特惠價只需 $3698，相比建議零售價嘅 $3998 平咗 $300。減 $300 又唔係話多嘅，不過諗返呢部 Galaxy A53 都係 4 月 1 先賣街，而家先係 9 號，幾乎已經係一出就有減價，要知道其實近年手機已經好少再見「一出即減」咁嘅玩法，而家 $3698 買到呢部五千電四鏡頭有 IP67 防水嘅中階手機，你又會唔會考慮佢呢？
三星 Galaxy A53 顏色有型格黑、棉花白、天空藍以及蜜桃粉四色，Galaxy A53 採用了 6.5 吋 Infinity O 屏幕 (俗稱「打孔屏」，廣東話叫「穿窿芒」)，支持最高 120Hz 屏幕刷新率，屏幕採用上 Super AMOLED 材質，並可調節屏幕刷新率以延長電池使用時間。另外，手機亦支持 IP67 防水防塵功能，意味着能浸在深達1米的淡水長達 30 分鐘，並配備堅固的 Corning Gorilla Glass 5，增加耐用性。
效能部分，三星 Galaxy A53 用上 Exynos 1280 處理器，這粒處理器支持 5nm 制程，nm 數字愈低，代表手機愈慳電，內置 5000mAh 大電池，支持 25W 快速充電，配合 AI 電量管理功能，會根據用戶使用習慣調整應用程式，自動把不常使用的應用程式休眠，所以理論 Galaxy A53 的續航能力，應該都相當不錯，滿足一天基本使用用途，不是大問題。儲存容量方面， Galaxy A53 內置 8GB RAM 以及 256GB ROM，支持高達 1TB microSD 擴充。
而相機似乎亦是三星 Galaxy A53 的賣點，具有四個後置鏡頭，配備光學防震 OIS 廣角鏡頭，並採用 VDIS 技術，即使晃動時亦可以拍攝清晰穩定的相片，同時具有高解像度鏡頭，Galaxy A53 最高可拍攝 64MP 相片。
其他部分，三星 Galaxy A53 支持 5G 網絡連接。為嚮應環保，手機包裝會使用可循環再用的紙張，並且側邊按鈕以及 SIM 卡槽，都是使用消費後再生塑膠材料 (Recycled post-consumer materials）製作。而鼓勵大家一部手機可以用多幾年，減少換機的頻率，三星亦會為 Galaxy A53 提供長達 4 年 One UI 和 Android 操作系統升級，以及長達五年安全更新。