好耐無分享 CMK 張毛記嘅消息，因為張毛記分店唔多，最近版主嘅都要去到沙田。咁啱前日行過沙田新城市 Apple Store 諗住拎返部機，順便行下場，就見到張毛記嘅櫥窗入面，放咗幾部舊代三星 Galaxy S21 系列旗艦手機，寫住「清貨特惠」，當中嘅 8GB + 256GB Galaxy S21+，由建議零售價嘅 $7998 減至 $4998，而 12GB + 256GB 嘅 Galaxy S21 Ultra 則由建議零售價嘅 $9698 減至 $6198。另外，就連舊代 8GB + 128GB 的 Galaxy S20 FE 都有減價至 $3098。
見到劈咗唔少，版主就去了解一下詳情啦，原來寫住「清貨特惠」嘅唔係全新手機，而係陳列機，不過問到有無保養，張毛記職員就表示，有 3 個月三星原廠保養。如果有三個月保養，咁都算係咁，唔知你又會唔會考慮呢？
