二千有找三星中階新機 配五千電 + 四鏡頭 + IP67 防水

左定坤 (Cho Ting Kwan) | Samsung
三星早前推出過幾部 Galaxy A 系列中階手機,其中 Galaxy A33 都算是一部性價比頗高的手機,用上新 U 有 IP67 防水五千大電,定價 $3000 唔使,以三星中階機嚟講,都算係 OK 啦!不過,若果如果呢部手機落到二千有找,唔知大家又覺得會唔會更吸引呢?
 

最平二千唔使入手三星 Galaxy A33 中階手機

首先說說三星 Galaxy A33 行貨價錢,建議零售價為 $2998,而一間相較信譽好的旺角先達細舖,行貨賣價約為 $2550,相比建議零售價平多 $440。而如果想再平啲入手,諗住二千蚊平平地當後備機用,亦可以考慮水貨,一間專賣水貨的網店現時最新水貨價為 $1967,這個價錢你會考慮?

螢幕截圖 2022-05-21 下午6.59.34.jpg
 

三星 Galaxy A33 規格

Galaxy A33 用上 6.4 吋 Infinity U 屏幕 (俗稱「水滴屏」),支持最高 90Hz 屏幕刷新率,屏幕用上 Super AMOLED 材質,並可調節屏幕刷新率以延長電池使用時間。另外,手機亦支持 IP67 防水防塵功能,意味着能浸在深達1米的淡水長達 30 分鐘,並配備堅固的 Corning Gorilla Glass 5,增加耐用性。

其他規格方面,三星  Galaxy A33,用上 Exynos 1280 處理器,內置 5000mAh 大電池,支持 25W 快速充電,配合 AI 電量管理功能,會根據用戶使用習慣調整應用程式,自動把不常使用的應用程式休眠,所以理論 Galaxy A33 的續航能力,應該都相當不錯,滿足一天基本使用用途,不是大問題。儲存容量方面, Galaxy A33 則內置 8GB RAM 以及 128GB ROM,支持高達 1TB microSD 擴充。相機部分,Galaxy A33 具有 48MP 標準 + 8MP 廣角 +5MP 微距 + 2MP 景深鏡頭,前置鏡頭則為 13MP。
廣告