外媒指：三星 Galaxy Z Fold5 解決了舊代問題 影相快門速度更快！

左定坤 (Cho Ting Kwan) 2023-07-31 18:26 | Samsung

三星旗艦手機影相正，呢點不容置疑，但未夠完美，一直以來都存在着一些小毛病，就係相機會出現延遲問題。當你取好景，按下快門鍵嗰一刻，圖像會出現一些延遲嘅情況。不過，根據外媒指出，三星似乎喺最新推出嘅 Galaxy Z Fold5 上，明顯改善咗呢個問題。

三星 Galaxy Z Fold5 沒有明顯延遲問題

據外媒 Android Central 表示，剛剛發表嘅 Galaxy Z Fold5 上，並沒有出現明顯嘅相機延遲。佢哋就已經拿得呢部 Galaxy Z Fold5 並使用咗幾日，佢哋留意到呢部摺疊屏幕手機，喺連續拍攝嘅時候，速度更快，而且快門速度似乎亦都快咗少，當你按下快門鍵之後，直到取景器出現圖像之間，幾乎無任何延遲。

外媒就將 Galaxy Z Fold5 同上代嘅 Galaxy Z Fold4 去做比較，發覺 Galaxy Z Fold5 上嘅相機有明顯嘅改善，並沒有出現延遲嘅情況，同時雖然 Galaxy Z Fold5 嘅相機應用程式，用起上嚟甚至感覺比起 Galaxy S23 更快。

以下有三星 Galaxy Z Fold4 跟 Galaxy Z Fold5 快門拍攝嘅比較：



而逐一解決軟件上嘅問題，相信係三星走得最適合嘅一條路，唔知各位有用開三星手機嘅網友，又覺得三星手機仲有乜嘢小問題，係需要去解決㗎呢？

來源：SAMMOBILE