今時今日，大家揀手機嘅時候都會考慮到手機嘅設計同特色功能。Samsung Galaxy Z Flip5 以及 Galaxy Z Fold5，係一個唔錯嘅選擇，兩部都係摺芒手機，如果追求輕巧易攜，揀 Galaxy Z Flip5 吧；如果追求手機平板二用，就 Galaxy Z Fold5 吧！呢兩部摺芒機有乜咁好用？以下我會講下佢哋嘅外觀設計、規格同埋一些實際應用，等大家知道，呢兩部手機有幾咁吸引！
Samsung Galaxy Z Flip5 硬件規格
首先講下Galaxy Z Flip5，佢係一部主打細細部，摺埋方便放入男士褲袋或者女士包包嘅手機，輕巧易攜，而同以往最大嘅分別係，今代嘅 Galaxy Z Flip5 具有更大嘅 3.4 吋外芒，大咗嘅外芒，真係好有用！點有用法，等陣再講。 |
 |
其他規格部分， Galaxy Z Flip5 內芒為 6.7 吋 Dynamic AMOLED 2X，解像度有 2640 x 1080，配備 Qualcomm Snapdragon 8 Gen 2 for Galaxy 3.36GHz 處理器，內置 8GB RAM 以及 256GB / 512GB ROM，電池容量為 3700mAh，並支持 25W 快速充電、15W 無線充電以及無線反向充電功能。另外，相機部分 Galaxy Z Flip5 用上了 1200 萬像素廣角以及 1200 萬像素超廣角鏡頭，前置鏡頭則為 1000 萬像素。
同其他同類型摺芒手機相比， Galaxy Z Flip5 除咗外芒最大，強勁既處理器都係一大賣點。今次 Galaxy Z Flip5 配備 Qualcomm Snapdragon 8 Gen 2 for Galaxy，再加上外芒可以用到好多第三方應用程式或者 Widget，大大增強呢部摺機嘅實用性。
外芒「Flex Window」實際應用
規格就講住咁多先，但用得摺芒手機，除咗睇規格，實際使用體驗都好重要。而我覺得，Galaxy Z Flip5 最正嘅，係佢個 Flex Window，即係佢嘅外芒。用家即使唔打開部電話，都可以透過 Flex Window 做到唔同嘅應用，比以往更加方便，而且大部分支援嘅應用程式都可以流暢使用，大大提升效率。等我簡單介紹一下各種嘅應用：001：查看通知及回覆短訊
查看通知，係 Flex Window 最常用嘅功能之一，只要將手機放喺枱面，即使喺摺疊狀態下，都可以透過外芒接收到 WhatsApp、Line 等訊息，並可以即時進行回覆。你亦可以透過外芒專用嘅 WhatsApp 應用程式，主動去聯絡你嘅朋友，Flex Window上嘅鍵盤打字亦好方便，值得一讚。
002：有各種唔同嘅 Widget
今次 Samsung 亦同咗唔少嘅第三方合作，令到 Flex Window 可以支援唔少常用嘅應用程式，包括 WhatsApp、Google 地圖、Netflix、YouTube 等等。同時你都可以自訂唔同嘅 Widget，包括日曆、天氣、通話紀錄、直接撥號、鬧鐘等等，甚至如果你平時有留意開股票，你亦可以透過「Google 財經」股票清單功能，自行加入想追蹤嘅股票，咁你就可以透過外芒，即時知道最新股價。另外，你亦可以喺 Galaxy Store 下載 Good Lock 應用程式，解鎖更多功能，喺 Flex Window 上面使用 Facebook、Instagram、甚至用嚟打機都得！
 |
 |
003: Samsung Wallet
另外，你亦可以快速透過外芒，使用 Samsung Wallet 功能，只需要喺 Flex Window 向上滑動，就可以調出 Samsung Wallet 進行購物、查看會員積分、使用優惠券等。就算 熄咗個Flex Window，Samsung Wallet 都可以正常運作，更方便。
004: 自定義功能設置個人化介面
你可以自訂外芒桌面風格，鍾意放自己生活照做 Wallpaper 又得，或者淨係顯示時間又得，你亦可以選擇唔同嘅介面，加入 Widget 善用更多功能。如果想再特別少少，你可以選購Samsung 嘅智能主題保護殼以及 NFC 智能主題卡，只要將保護殼連NFC卡裝到手機上，外芒就會因應卡片嘅主題顯示出對應嘅動畫，係一個相當有創意嘅設計，令到手機更加個人化。
 |
 |
005: 自拍
一部擁有咁大個外芒嘅 Galaxy Z Flip5，對於鍾意自拍嘅用家嚟講，都好有用。佢可以令你擁有更好嘅自拍質素，透過外芒直接用後置主鏡頭嚟進行自拍，捕捉自己最靚嘅角度。幫朋友影相嘅時候，我亦可以透過 Dual Preview 嘅功能，等對方可以通過Flex Window自己都睇到我拍攝嘅角度係點，隨時調整。
006: 接收及撥打電話
作為一部手機，當然唔少得講電話啦。有咗Flex Window之後，你唔需要打開部手機都可以接收同埋撥打電話，非常方便。
Samsung Galaxy Z Fold5 硬件規格
講完 Galaxy Z Flip5，就係時候講下 Galaxy Z Fold5喇。作為一個擁有大芒嘅手機，多工處理係佢最大嘅特色。而今代 Galaxy Z Fold5 喺設計上都大大升級咗，當手機摺埋嘅時候，水滴型Flex Hinge令使用手感更好。
同 Galaxy Z Flip5 唔同嘅係，佢無論外芒定內芒，尺寸都相當大，外芒有 6.2 吋 Dynamic AMOLED 2X，而內芒則有 7.6 吋 Dynamic AMOLED 2X，配備 Qualcomm Snapdragon 8 Gen 2 for Galaxy 3.36GHz 處理器，內置 12GB RAM 以及 256GB / 512GB / 1TB ROM，電池容量為 4400mAh，並支持 25W 快速充電、15W 無線充電以及無線反向充電功能。
相機部分，Galaxy Z Fold5 配備 5000 萬像素廣角、1000 萬像素長焦以及 1200 萬像素超廣角鏡頭，而前置鏡頭則有兩個，一個係外芒嘅 1000 萬像素鏡頭，另一個係內芒嘅 400 萬像素屏下鏡頭。
Samsung Galaxy Z Fold5 多工處理應用
頭先都有提到，Galaxy Z Fold5 擁有大芒，最好嘅應用係多工處理功能，到底佢哋嘅多工處理功能又有幾咁強大呢？以下就等我同大家講下，呢部手機我認為最大嘅優勢係乜：001：多視窗功能
作為一部有大芒嘅摺芒手機，可以做到同時打開多個 App，係最大優勢。Galaxy Z Fold5 內芒最多可以畀你同時顯示三個視窗，打開唔同嘅應用程式，例如一邊上網，一邊串流播放影片，一邊打機等等。
002：應用程式流暢切換
只要設定「繼續在外屏上使用應用程式」，就可以將外芒睇緊嘅影片切換到內芒繼續睇。相反，只要摺疊手機，內芒原本運行緊嘅應用程式就可以無縫切換到外芒。
003：雙手拖放控制功能
今代嘅 Galaxy Z Fold5 升級咗呢個雙手拖放控制功能，可以令應用程式和屏幕之間嘅傳輸更加高效，例如你可以用一隻手指輕按 Samsung 圖片庫入面嘅相片，再用另一隻手指打開 Samsung Notes ，就可以進行拖放。
004：隱藏式懸浮視窗
隱藏式懸浮視窗令應用程式可以喺後台持續運行，可以畀用家一邊使用全屏幕觀看影片，一邊利用屏幕旁嘅懸浮視窗，同朋友進行對話。
Samsung Galaxy Z Flip5、Galaxy Z Fold5 耐用性
講完兩部摺芒手機各自嘅特色，相信大家都比較關注，到底摺芒手機嘅耐用性如何。無論係Galaxy Z Flip5 還是 Galaxy Z Fold5，兩者同樣支持 IPX8 抗水級別，是市場上少有支持抗水嘅摺芒手機。同時今代全新嘅 Flex Hinge 雙軌結構鉸位，除咗令手機摺埋嘅時候更加貼合，更有效分散由外部衝擊所構成嘅壓力，令手機更加耐用，根據官方嘅測試影片結果，兩部手機都能夠承受至少摺疊20萬次，耐用性驚人。
最後，兩機嘅主屏幕都配備減震保護層及改良版背面設計，帶來更堅固嘅結構。加上鋁合金邊框以及用於 Flex Window 同機背嘅 Corning Gorilla Glass Vitus 2 玻璃，無論係Galaxy Z Flip5 還是 Galaxy Z Fold5，耐用性都得到保證。
睇完以上 Samsung Galaxy Z Flip5 以及 Galaxy Z Fold5 嘅摺芒實用功能，係咪好想立即入手呢？現時上Samsung官網購買Galaxy Z Flip5以及 Galaxy Z Fold5有機會得到多重精彩禮遇，包括Galaxy Credit 網上消費額、Trade-in回贈、無線充電板等，有興趣嘅朋友記得上官網到訂購啦！
資料由客戶提供