三星 Galaxy S20 vs Galaxy S24，應該升級呢？
三星 Galaxy S20 喺 2020 年啱啱推出嘅時候，係一款功能非常強大嘅手機，當時佢哋宣佈提供四年嘅 Android 更新以及五年嘅安全更新，所以而家去到 2024 年，Galaxy S20 已經唔會再接收到軟件更新，意味着 Galaxy S20 已經無辦法升級 Android 14，會喺 Android 13 開始止步。而透過 Galaxy S24 系列，三星進一步提升競爭力，承諾提供整整七年嘅 Android 版本以及安全更新，更新支援持續到 2031 年，呢個相信係一個由 Galaxy S20 升級 Galaxy S24 嘅最佳理由。
當然，由 Galaxy S20 升級到 Galaxy S24，仲有好多好處，由相機硬件到設計材料等等，都有好大幅嘅升級，從而帶嚟咗更好嘅整體體驗。繼 Google 喺 Pixel 8 上取得領先之後，三星都為 Galaxy 系列加入咗好多新嘅 AI 功能，其中大部份功能都唔會喺三星舊款旗艦上提供，更唔使講 2020 年嘅手機。
所以，如果你希望 Keep 住有得升級，並且想有得試玩 Galaxy AI 功能，仲用緊 Galaxy S20 嘅你，無理由唔升級吧！
來源：Android Authority