csl、SmarTone、3HK 客戶買三星 S24 Ultra 有着數
今次同大家分享嘅，係網絡商嘅現客優惠，其實香港「四大天王」網絡商，無論係 CMHK、csl、SmarTone 定係 3HK，都各自有佢哋現有客戶嘅出機優惠。然而，今次我主要係想分享 csl、3HK 同 SmarTone，因為目前只有呢三間嘅網絡商，係將三星 Galaxy S24 Ultra 現客優惠減價至 $7998 起，而 CMHK 則係 $8498 起，相差 $500。所以如果你本身係 csl 或者 SmarTone 客戶，又咁啱想入手三星 Galaxy S24 Ultra，不妨可以考慮考慮一下。從 csl eShop 網店中可以見到，只要你係 1010 / csl 客戶，購買三星 Galaxy S24 Ultra 就可以享有專屬優惠，256GB、512GB 以及 1TB 版本客戶價分別為 $7998、$8798 以及 $10898，只要你本身 csl / 1010 個合約仲有不少於 12 個月，就可以有呢個價錢，相比起出面大舖 (如豐澤) 的 $9398、$10398 以及 $12398，平高達 $1600，如果合約期少於 12 個月，先需要加簽合約。
至於 SmarTone 同樣有相同嘅客戶價，簽 12 個月期限嘅銷售及服務合約，咁就可以享有「特選客戶」嘅優惠價。好似好複雜，其實同 csl 一樣，只要你本身合約期不少於 12 個月，就唔使加簽合約都可以享有優惠價出機。
而 3HK 似乎更着數，只要係現有客戶，就可以用八千有找嘅價錢買三星 Galaxy S24 Ultra 256GB、512GB 同 1TB版本，即係 $7998、$8798 及 $10898，又唔使加簽合約，用緊 3HK 嘅網友而又想換機就要留意。
按這裡有三星 Galaxy S24 Ultra 詳細規格