三星 Galaxy S25 Edge 香港賣價 + 上市資訊
三星 Galaxy S25 Edge 有 256GB 以及 512GB 兩個儲存容量版本，顏色方面有鈦金屬銀、鈦金屬冰藍以及鈦金屬灰黑三個選擇，香港建議零售價分別為 $8398 以及 $9398，將於 5 月 30 日正式發售。呢個價錢唔知網友又覺得係唔係抵玩呢？三星 Galaxy S25 Edge 硬件規格
規格方面，三星 Galaxy S25 Edge 採用咗 5.8mm 機身，重量僅為 163g，除了具有流線型機身，而且還有圓滑邊框以及堅固嘅鈦合金框架，為日常使用提供持久保護，並用上最新的 Corning Gorilla Glass Ceramic 2 材質，佢係一款全新嘅玻璃陶瓷材料，提供咗出色嘅韌性以及強度，同時帶來生動嘅顯示效果。Gorilla Glass Ceramic 2 在其玻璃基體中嵌入微細晶體，增強屏幕耐用性和防裂能力，玻璃與晶體組件之間的協同作用經過精密工程設計，提供更大韌性，同時保持高光學透明度。另外，Galaxy S25 Edge 配備咗 Qualcomm Snapdragon 8 Elite 處理器，電池容量有 3900mAh，支持 25W 超快速充電以及 15W 無線充電，同時亦可以無線分享電量予其他智能手機或可穿戴裝置。相機方面，手機具有 200MP 廣角 + 12MP 超廣角鏡頭，前置鏡頭則為 12MP，並支持黑夜亮攝、AI 變焦拍攝、夜間人像拍攝等功能。另外，手機亦支持 Galaxy AI，支持 Now Brief 及 Now Bar、AI 翻譯等功能。
