三星首部三摺手機 Galaxy Z TriFold，正式抵達旺角先達，第一水賣價叫價 $29800，即係差不多三萬蚊嘅價錢，撼稱「信仰價」。呢部三摺手機摺疊的方式，同華為 Mate XT 唔同，睇返 Mate XT 佢嘅三摺係一個屏幕做哂，好似 Z 形咁樣摺疊，好處係可以有多種使用嘅形態，你中意一個屏幕當手機用又得，兩個屏幕當平板用又得，三個屏幕當一部加大嘅平板都得；
而三星 Z TriFold 唔同，佢係兩個屏幕形式，如果將佢完全打開，一邊會係 10 吋嘅屏幕，而背面中間位置，則係另一個 6.5 吋嘅屏幕，呈 G 字型內摺設計，呢個設計最大好處係保護性超強。當手機完全摺合時，最脆弱嘅柔性內屏會被完全收納喺機身內部，唔會外露，日常放褲袋或同其他物品摩擦都無咁易刮花。相比之下，某啲外折設計嘅屏幕就長期暴露在外，耐用性考驗更大。為防止用家錯誤摺疊導致屏幕損壞，手機設有智能提示，如果試圖從錯誤嘅一邊先摺，機身會立即震動並彈出警告。
值得一提係佢嘅鉸鏈手感。三星為此機研發咗全新的Armor FlexHinge（裝甲靈活鉸鏈），採用雙軌結構。媒體實測形容，開合過程阻尼感順滑而沉穩，可以隨意懸停，而且合上時嘅「咔嗒」聲非常清晰清脆，帶來一種「高級腕錶上鏈」般嘅精緻機械感同解壓感。
文字介紹去到呢度，既然主打三摺外觀，即刻畀大家睇下呢部三星 Galaxy Z TriFold 手機外觀最實際。睇相啦！
▲ 包裝盒。
▲ 有 512GB ROM。
▲ 咁大個盒入面，底部只有一個火牛。
▲ 另外仲有另一個盒，有跟一個保護殼。
▲ 6.5 吋嘅正面。
▲ 要打開嘅話，就要左右咁樣打開。
▲ 完全打開之後，後面中間會係屏幕部分。
▲ 側邊寫住 Samsung 字樣。
▲ 同華為 Mate XT 比較，其實 Size 同厚度都差不多。
▲ 近距離睇，會見到佢厚度好薄。
▲ 鏡頭部份嘅比較。
報價查詢：三禾電氣