四千幾蚊入手三星 S25 512GB！多款手機減價，但需滿足一個條件

左定坤 (Cho Ting Kwan) 2025-12-18 19:13 | Samsung

成日覺得網絡商公開嗰啲優惠，都係「小恩小惠」？有冇諗過，原來市面上有一啲「隱藏版」嘅優惠網店，專為特定人士而設，價錢同禮遇隨時比街價更吸引？就好似三星 Galaxy S25 旗艦手機為例，四千幾蚊就可以買到，不過就要滿足一個條件。想知詳情，睇下文啦！



講緊嘅係 「1O1O 企業員工計劃」網上商店。呢個並非人人可以隨意進入嘅公開平台，而係專為參與計劃嘅企業員工而設嘅福利地帶，只要你係用公司電郵去登記，就可以解鎖到呢啲優惠，當中有好多手機減價，其中三星 Galaxy S25 512GB，由原價 $6898 減至 $4828，即係減咗差不多 $2000。

當然，除咗 三星 Galaxy S25 512GB，間唔中都會有驚喜。就好似早幾日，三星 Galaxy S25 Ultra 512GB 只需 $7083 就可以買到，呢個價錢又係十分抵玩，不過好快就賣清光。有興趣想用較低價錢入手智能手機，同時你又有公司電郵嘅話，不妨得閒撳入去呢條連結，留意一下呢個企業員工計劃網上商店。