Samsung 最近推出咗兩部好多人談論嘅摺機：肥摺 Galaxy Z Fold8 同埋大摺 Galaxy Z Fold8 Ultra。呢兩部新機，一部採用全新 Form Factor，一部就係最多人熟悉嘅大摺款，搞到唔少想買摺機嘅網友花多眼亂，唔知應該點揀好。今次小編就會為大家分析下兩部手機嘅特色，幫你根據自己嘅使用習慣，揀部最啱心水嘅摺機。
Samsung Galaxy Z Fold8
Samsung Galaxy Z Fold8
Samsung Galaxy Z Fold8 Ultra
Samsung Galaxy Z Fold8 Ultra摺疊技術發展成熟，手感與觀感比上一代更好
首先，大家真係要放低以前對摺機嘅成見。Samsung經過咁多代發展，摺機技術已經進化到爐火純青。最新嘅 Galaxy Z Fold8 同埋 Z Fold8 Ultra 都用咗全新 Flex Titanium 技術。呢項技術將硬淨又輕身嘅鈦金屬融入機身，鈦合金薄膜嘅機械剛性仲大幅提升 20 倍。當你開合手機嗰陣，會感受到兩部機比上一代紮實咗好多，而且比以往更順暢。與此同時，喺 Flex Titanium 技術加持下，兩部機都可以做到更輕薄嘅設計，尤其係 Galaxy Z Fold8，重量只係得 205 克，比起年初推出嘅旗艦 Galaxy S26 Ultra 仲要輕身。而更重要嘅係，不論係 Galaxy Z Fold8 定係 Z Fold8 Ultra，內屏幕嘅摺痕都比上一代有所改善，基本上唔會察覺得到。
▲ 喺全新 Flex Titanium 技術加持下，無論係 Galaxy Z Fold8 (左) 及 Z Fold8 Ultra (右)，內屏幕嘅屏幕摺痕都做到幾乎睇唔到。
摺機要有頂級效能
講到效能，兩款摺機都採用旗艦級 Snapdragon 8 Elite Gen 5 for Galaxy 處理器，同時有接近八吋嘅內屏幕 ( Z Fold8 係 7.6 吋、Z Fold8 Ultra 足 8 吋)，十分適合多工分屏操作。再加上支援多個AI助理如Gemini及Perplexity，配合一系列 Galaxy AI 功能，無論係工作上定係日常生活上都可以從容應付，提升效率。例如，你可以用 Galaxy Z Fold8 Ultra 作左右分屏，左面睇網站資料，右面開 Google Gemini 問嘢。而打直部 Galaxy Z Fold8 ，你可以用內屏幕上方睇 YouTube、下面打機，同時間做幾樣野都完全冇問題。
▲ Galaxy Z Fold8 Ultra 左右分屏，左面睇網站資料，右面開 Google Gemini 問問題。
▲ Galaxy Z Fold8 Ultra 左右分屏，左面睇網站資料，右面開 Google Gemini 問問題。
Galaxy Z Fold8 Ultra：2 億像素主鏡頭化身新一代演唱會神器
兩部摺機當中，Galaxy Z Fold8 Ultra 後置相機採用三鏡頭設計，其中包括 2 億像素F1.7 大光圈嘅廣角主鏡頭、5000萬像素 F1.9 超廣角鏡頭以及支援 3 倍光學變焦、最高 30 倍數碼變焦嘅 1000 萬像素 F2.4長焦鏡頭，絕對可以話係演唱會神器。因為有大底主鏡頭，再融合長焦鏡頭，做到遠距離拍攝舞台時，表演者同現場佈置都可以影得相當清楚。
▲ Galaxy Z Fold8 Ultra 機背採用三鏡頭設計，其中一個是2億像素廣角主鏡頭，24mm 焦距等值，與Galaxy S26 Ultra 感光元件規格一樣。
1x 
2x不得不提 Galaxy AI 入面新加入嘅 My FanCam 功能。呢個功能可以自動追蹤影片中嘅特定人物，並將佢哋獨立剪輯出嚟，變成一條專注呢位主角嘅影片。想像一下，你去睇 BlackPink演唱會，舞台上面一定有大批 Dancer。你淨係想影 Rose，咁你只要成個舞台影晒，之後再喺 Album 入面揀返條片再開My FanCam功能，點出 Rose，就會自動幫你剪輯一條以 Rose 做主角嘅影片。
▲ 在拍攝完 BlackPink 演唱會表演後，只需揀選影片並開啟 My FanCam 呢個功能，就可以識別出四個 BlackPink 成員，只要我揀選 Rose，系統就會自動製作一條追住 Rose 本人的 FanCam 影片。
▲ 用咗 My FanCam 功能，好容易製作 BlackPink 個別成員嘅 Video 啦。
Galaxy Z Fold8：黃金觀賞比例
點，就係採用「4:3 黃金觀賞比例」嘅內屏幕設計。呢個比例有兩種玩法。打橫嗰陣，最好用嚟睇片。原因係 4:3 比例，比起傳統大摺機接近 1:1 嘅正方形比例，更加用得盡成個畫面，顯示較少黑邊。如果將內芒打直，就最好用嚟睇漫畫或者電子書，好有真實書面嘅感覺。
▲ 用 Galaxy Z Fold8 睇影片可以用盡整個屏幕，享受更沉浸的效果。
▲ 將 Galaxy Z Fold8 打直，內屏幕尺寸跟電子書相約，用黎睇書或者睇漫畫都相當唔錯。
AI 時代更全面可靠的安全防護
隨住 AI 功能越黎越普及，用戶需要確切了解其個人數據如何被使用，同埋點樣受到保護，呢個係 Samsung 一直以黎都十分重視嘅承諾。Samsung Knox 從晶片級別起保護每部裝置，採用多層安住防護，同時賦予用戶透明度、選擇權，以及對其個人資訊使用方式的自主控制權。咁樣就能夠確保可以得到用戶既信任，從而帶來更個人化的 AI 體驗。
▲ Galaxy Z Fold8 Ultra 同埋 Z Fold8 都內建咗唔少私隱設定，大家可以按需要啟動，例如 Galaxy AI 部份，你可以選擇只喺裝置上處理個人數據，用家就可以更放心咁使用唔同既Galaxy AI 功能。
根據個人需求，對號入座
總括而言，Samsung Galaxy Z Fold8 Ultra 同埋 Galaxy Z Fold8 都係市面上頂尖嘅摺疊手機，效能不相伯仲，點樣揀就睇自己嘅需要。Galaxy Z Fold8 Ultra為追求極致影音創作、經常看演唱會/音樂節、對鏡頭解像度與效能有要求的用戶而設；Galaxy Z Fold8 就適合注重手感舒適度、熱愛大屏幕娛樂，以及經常睇片同埋閱讀嘅用戶。睇完小編嘅分析，你又會點揀？