最平 S801+ 4G 旗艦登陸! ZTE Grand S II $2499 有交易

Eddie | ZTE
年底先支援到香港 4G LTE 既小米 4 都講左兩日,相信網友們都悶啦,不如轉睇另一部性價比手機。之前版主 Keith 都透露過聽日既發佈會入面會有一部行 Google Now Launcher 既 Blade Vec 4G ,其實聽日發佈會有另一個重點,就係 ZTE 暗示會出既五模十七頻手機 ZTE Grand S II LTE ,版主們收到消息真係呢部手機,ZTE Grand S II 中興天機香港版,會賣 $2499。

性價比先決挑戰小米 4!國牌 4G 手機兩千頭入手攻略!
 

五模十七頻強機 ZTE Grand S II 發佈! S801 + 4G 手機兩千幾蚊有行貨?

早幾日同大家講大陸性價比水貨既時侯都有提到幾部手機,當中 ZTE Grand S II 在場內賣大約 $2,100 ~ $2,200 係最平既一部(甚至平過 OnePlus One ) ,其實呢部手機係中興官網既定價係 $1,799 人民幣,亦即係大概 $2,250 港幣左右,Grand S II 會係 7 月 24 日起發售,賣 $2499。

睇番呢部機既規格,5.5 FHD 屏幕、 Qualcomm S801 2.3GHz 四核心處理器、2GB RAM 、 16GB ROM(可外置插卡),1300 萬像素鏡頭和 200 萬像素前鏡頭,3100mAh 可換式電池,各方面都同賣 $1,859 既小米 3 代接近,不過既然中興寫到明有 5 模 17 頻代表佢係可以支援 TD-LTE 、 FDD-LTE 、 TD-SCDMA 同埋 WCDMA  與 GSM,無論係大陸都香港都用到 4G LTE (當然亦需要支援到 4G 既 SIM 卡啦),番大陸比起要分聯通/移動版既手機更加方便。

順帶一提,版主收到消息香港會有網絡商會代理 ZTE Grand S II LTE ,暫時知道中國移動香港 CMHK 會引入,唔少入手左水貨既網友都表示大陸版 ZTE Grand S II 番大陸用 3G TD-SCDMA 會有問題,如果中國移動香港都會賣既話當然就唔會出現呢個情況啦!中興 ZTE 同時在香港開設網購平台,透過 Expansys.com.hk/ZTE 發售 ZTE 香港行機。網購平台會在 8 月 12 日起運作。


性價比先決挑戰小米 4!國牌 4G 手機兩千頭入手攻略!
▲唔少網友都估中移動之前流出既「天機」就係 ZTE Grand S II (大陸是這樣叫),中國移動香港會率先 $2499  4G LTE。早前 ePrice.HK 已有詳細評測,齊齊 Click 這裡重溫一下

ZTE Grand S II LTE 「中興天機」香港版,在文章刊登時,賣 $2499,按這裡有詳細介紹及最新賣價
廣告