$1000 有找 5G 手機！香港行貨最平 5G 係佢？
今次想講嘅 5G 手機，係 ZTE Blade A73，本來以為香港已經無賣呢個品牌嘅手機，但原來喺 csl eShop 網店，佢依然有賣，賣價只係 $999，一千蚊唔使有交易，買機仲可以賺 25 Club 積分，不過賣到咁平，規格一定唔會好，只係當係最低門檻嘅 5G 手機，算係一個 Gimmick。按呢度有購買傳送門
ZTE Blade A73 硬件規格
規格方面，ZTE Blade A73 採用咗 6.52 吋芒，解像度為 1600 x 720，支持 90Hz 屏幕刷新率，配備紫光展銳 Unisoc T760 八核心 2.2GHz 處理器，呢粒處理器用上 6nm 制程，nm 嘅數字愈低，代表手機理論上更慳電，並內置 4GB RAM 以及 128GB ROM，透過融合內存技術，最高可以額外擴展 4GB 內存，即最高可達 8GB RAM，電池容量為 5000mAh。相機部分，Blade A73 採用咗 5000 萬像素 + 200 萬像素雙鏡頭設計，前置鏡頭則為 500 萬像素。平價 5G 手機仲有咩選擇？
就以豐澤網店作為參考，現時大舖有賣嘅平價 5G 手機，最平嗰兩部應該係紅米 10 5G 同埋三星 Galaxy A14 5G，前者由建議零售價 $1599 減至 $1199，而後者則一直未有減價，保持建議零售價 $1498 起的價位。如果大家想深入比拼呢兩部平價 5G 手機，佢哋詳細嘅硬件比拼，可以按呢度或者按下圖進入 ePrice 手機比拼系統，入面會有呢兩部手機嘅深入比較，同時你亦可以自行加入其他想比較嘅型號，進行更多嘅比拼。