六吋芒加支筆升級
有點覺得 Alcatel One Touch Hero 2 係呢一刻推出,直接衝擊的對像是 Samsung Galaxy Note 4。我知,我知,什麼 S Pen 應用,什麼出眾功能....但事實上,可能好多人都係貪佢個芒夠大,又有支筆,亦有不少機迷買了 Note 就「CM 」了它。這樣,要六千蚊衝它嗎?Alcatel One Touch Hero 2 有著一個 6 吋 IPS 巨芒,解像度都唔差,有 Full HD,版主係呢篇文章刊出之時,雖然未玩過真機,但之前試過 Alcatel OneTouch 不少手機,屏幕效果都係數一數二的正。效能方面。上一代 OneTouch Hero,用上 MTK 四核心 CPU,要推 Full HD 屏幕,有點吃力,今次 Hero 2 轉用了跟早前 Idol X+ 一樣的八核心 2.0GHz 版本的 MT6592 晶片,之前跟 Idol X+ 跑過分,跟 Qualcomm Snapdragon 600 CPU 效能相約,而 Hero 2 用上 2GB RAM,應該令效果提升不少。Hero 2 跟 Hero 一代一樣,跟機會附送一支筆,照睇規格,這支就是一支普通的屏幕筆,好處是可以作早期的 PDA 一樣,插在機內,方便使用,跟機亦有幾個畫圖、手寫認字軟件。而 One Touch Hero 2 亦會支援多種視窗,有幾個指定 Apps 可以一個屏幕,雙 Apps 同時顯示及運作。跟機送 JBL 耳機
Alcatel One Touch Hero 2 配合了 MTK MT6290 LTE 數據機,令它支援 Cat 4 LTE 上網速度。香港版支援 FDD-LTE Band 3 (1800) , Band 7 (2600) ,亦有 Band 1 (2100)、Band 8 (900) 及 Band 20 (800) 方便漫遊使用。此外,Alcatel One Touch Hero 2 代與 1 代相機與音樂都升級。相機方面,1300 萬像素相機支援光學防手震,跟機亦有 JBL 耳機,不讓 Butterfly 2 專美。▲ Alcatel One Touch Hero 2 只有黑色選擇。
▲ 機背千三萬像素鏡頭,支援光學防手震。
▲ 比起一代 MagicFlip,除了同樣支援 Flipcover 功能,亦多了一個視窗,方便不用開蓋就可以操作。
▲ 這個是 DJ Mixing 的配件,但相信香港推出機會比較微。
▲ Alcatel 已在旺角街頭推廣過 One Touch Hero 2,十月份也有另一款 4G LTE 八吋平版 Hero 8,賣價應不會太貴,Samsung 有大難了。