Nokia 7 Plus 終於減價
一直企硬唔減的 Nokia 7 Plus,最近大舖出現了新低價,雖然減嘅幅度並唔係好多,減得 $100 咁大把,但有減總比一蚊都唔減好,咁講應該都無錯嘅。最新賣價 $3188,勝在有 3800mAh 大電,用足一日應該勉強夠用。仲有 Nokia 7 Plus 係用上原生 Android,呢點亦係佢嘅優勢所在。Nokia 7 Plus 用上了 6 吋 FHD+ 芒,內置 4GB RAM 以及 64GB ROM,並具有蔡司認証雙鏡頭,顏色方面有黑、白兩種選擇。原本市面上還有幾部比較便宜的 S660 手機,就好似 Sharp AQOUS S2 (高配版),曾經數碼通仲有賣緊 $2580,但而家網店上已經找不到蹤影,可見 S2 應該已經被清光了。而除咗 S2,仲有 ZenFone 4 (高配版) 也是用上 S660 處理器,但隨着 ZenFone 5 的出現,ZenFone 4 亦都已經清哂了。咁而家大舖 + 網絡商仲有乜嘢 S660 手機選擇呢?
魅族 15 正式開賣,有三大優惠,最平價 S660 手機係佢?
除咗 Nokia 7 Plus 之外,仲有魅族 15、Vivo X20 / X20 Plus 以及 X21,四部手機賣價分別為 $3099、 $3198、$3698 以及 $4498,當中的魅族 15 在 15/6 才正式於 csl. 以及魅族專門店獨家發售,除了配備 S660 處理器,亦內置了 4GB RAM 以及 64GB ROM,顏色方面有汝窯白以及黛藍兩種選擇。而由即日起至 14/7 購買魅族 15,還可以享有三大優惠,包括:1. 免費高清保護貼及保護套一份
2. 讚好魅族香港 Facebook 專頁,憑有效收據到魅族專門店可免費換領魅族 EP2X 耳機或魅族旅行包一個 (2選1)
3. 以 $399 優惠價買魅族 Flow 三單元耳機 (建議零售價 $699) / 以 $189 優惠價買魅族 EP51 藍牙運動耳機 (建議零售價 $389)
照咁睇,因為 Sharp S2 以及 ZenFone 4 在大舖 / 網絡商的消失,令魅族 15 無端端成為了最平價的 S660 手機。你又會唔會買?
Nokia 7 Plus 在文章發表時,大舖賣價為 $3188,按這裡有詳細規格及最新賣價。
魅族 15 在文章發表時,建議零售價為 $3099,按這裡有詳細規格及最新賣價。