主題:Nokia 9 PureView 搶先試拍比拼 iPhone XS Max!有驚喜

ePrice HK
  • 發表時間:2019-03-22 14:54 收錄檢舉
    有人話,這幾年手機攝影技術,已去到好盡,最多只是加多點玩意,拍攝出來的質素,好難再有突破。Nokia 想出新方法,配合了 Light 公司獨有多鏡頭的「計算攝影」技術,製造了全球第一款擁有五個主鏡頭的手機 Nokia 9。

    用最簡單的方法解釋:五個鏡頭同時拍攝不同嘅光源及顏色,而組合成一幅最靚的相。”

    到底,這個方法原理係點,拍出來嘅效果又係咪好 Amazing。今次,我哋搵了 iPhone XS Max 來做一個對比!

    Nokia 9 PureView 搶先試拍比拼 iPhone XS Max!有驚喜
     

    先送上 Nokia 9 實機圖集

     


    解構 Nokia 9 五鏡頭

    Nokia 9 是全球首部配備五個主鏡頭的手機,全部都得到蔡司 ZEISS 認證。但奇怪地,你望望機背部份,會有七個圓點,到底攪什麼?其實略為白色一個,是雙色溫 LED 補光燈,右上角略暗的圓點,其實是 TOF 「飛時測距」景物深度感測器。餘下就是同樣有 F1.8 大光圈,單像素尺吋為 1.25um 的鏡頭,兩個負責拍攝 RGB 色彩,三個是用來拍攝黑白單色影像。

    用 Nokia 9 機背的後置相機影相,無論是自動或是專業模式,五個鏡頭都會同時獨立拍攝,再透過 Light 這間公司提供的相片還原演算法,五個鏡頭出來嘅影像會組合成一張 1200 萬像素的相片。

    還不止這樣,你亦可開啟 Nokia 9 「深度圖」紀錄功能,這時 TOF 「飛時測距」景物深度感測器,就會連同五鏡頭發揮作用,記錄 1200 層景深資訊,除了可以把相片,事後作隨意對焦,亦可製作出好有立體感的景深相片及變成玩味好重的迷你短片!

    Nokia 9 PureView 搶先試拍比拼 iPhone XS Max!有驚喜
    ▲ 除了圖中指示的功能,其餘的都是 Nokia 9 的攝影鏡頭,兩個負責 RGB 色彩,三個負責黑白。
     

    實戰對比 iPhone XS Max

    解構了 Nokia 9 五個鏡頭的技術運用,不如來個實戰比拼!有 5 個主鏡頭的 Nokia 9,比起一般的手機來說,會有三大優勢,下面會逐 part 同大家睇睇 Nokia 9 的試相,當然還有跟 iPhone XS Max 同場景嘅相片嘅比較吧!

    001:超清晰細緻相片
    五個鏡頭同時拍攝,再組合成一張相,令 Nokia 9 拍出來的相片,有超清晰細緻效果。相信這點,網友最易理解。等我再給大家多一點資料:三個黑白鏡頭,每個可吸進光線量比起其他鏡頭多 2.9 倍。相片夠光,清晰度越高。而二個 RGB 鏡頭,用來吸取紅、綠、藍相片資訊,同樣的兩個鏡頭能吸取更多顏色資訊。五組鏡頭,其實可組合成 2 億 4000 萬像素相片資料,但透過算法,輸出最好的一張 1200 萬像素相片。同樣是 1200 萬相片,Nokia 9 會比對手更加清晰細緻。

    Nokia 9 PureView 搶先試拍比拼 iPhone XS Max!有驚喜
    ▲ 由 Nokia 9 拍攝。
    Nokia 9 PureView 搶先試拍比拼 iPhone XS Max!有驚喜
    ▲ 由 iPhone XS Max 拍攝。

    Nokia 9 PureView 搶先試拍比拼 iPhone XS Max!有驚喜 Nokia 9 PureView 搶先試拍比拼 iPhone XS Max!有驚喜
    ▲ 把相片放大,左(上)由 Nokia 9 拍攝的,會清楚見到石頭紋䋥,而 iPhone XS Max 的放大圖(右下)比較模糊。再看看完圖,這張背光的相片 iPhone XS Max 拍出照片現場色調不及 Nokia 9 準確。

    002:超水準 HDR 相片 
    相機能拍攝 HDR 高動態範圍相片有乜好處?即係在光源復雜兼有很大反差情況下,前後景都情晰的照片。普通手機相機,會透過同時拍下數張不同 EV 值相片,再拼合一張相片,來製作 HDR 相片。而 Nokia 9 五個鏡頭,會自動調整場景中的曝光值,不再是單個焦點,Dynamic Range 動態範圍最多可達 12.4 級,比起其他相機手機更闊,令相片無論是亮部抑或暗部,都能夠清晰可見。

    Nokia 9 PureView 搶先試拍比拼 iPhone XS Max!有驚喜
    ▲ 由 Nokia 9 拍攝。

    Nokia 9 PureView 搶先試拍比拼 iPhone XS Max!有驚喜
    ▲ 由 iPhone XS Max 拍攝。

    Nokia 9 PureView 搶先試拍比拼 iPhone XS Max!有驚喜 Nokia 9 PureView 搶先試拍比拼 iPhone XS Max!有驚喜
    ▲ 把相片放大,左(上)由 Nokia 9 拍攝的,跟右(下) iPhone XS Max 拍攝的比較,雖然好像不夠光量,但實細心看,霓虹光招牌的反差效果,Nokia 9 做得比較實在,清晰度較高,若放大霓虹光旁大廈,Nokia 9 都有比較好嘅細緻度。

    003:超立體感景深相片
    Nokia 9 除了五個鏡頭,不得不提其實也有 TOF 景深感應器。TOF 在 2018 才應用在手機拍攝。它用上 3D 紀錄方法,去紀錄景物距離資訊。TOF 感應器,再加上五個鏡頭,令 Nokia 9 同時紀錄 1200 圖層景深資訊,比起其他手機相機只有十層訊,多好多倍。只要你在相機介面,啟動「深度圖」紀錄,這些資料就會紀下來。好處係,之後任何一張相片,都可以更改對焦點及制作不同極富立體感景深相片。

    Nokia 9 PureView 搶先試拍比拼 iPhone XS Max!有驚喜
    ▲ 由 Nokia 9 拍攝原相,開了「深度圖」紀錄,但沒有任何景深。
      ▲ 要玩照深相,只要在跟機送的 Google Photos 裡,選擇對點及選擇及景效強度,就可以製作景深相片。上面跟 iPhone XS Max  比較,可見 Nokia 9 可以做出更Wide Angle 的景深照片,而深度亦比 iPhone XS Max 做得好。
     

    ▲ Nokia 內置相片編輯器,只要相片有開到「深度圖」紀錄,就可以把這張相片製作成兩款有趣短片,都是因把相片改變景深及對焦點而成,如短片中的叫作「光場影像」短片。


    ▲ 這款叫作「滑動變焦」短片,亦係效果最過癮的一種短片。

      ▲ 最後送上由 Nokia 9 拍攝嘅相片集,地點大埔三門仔,仲有旺角夜景。

    更多資料,可以 Click 呢度

    資料由客戶提供
    快加入會員賺 EP!累積點數、免費換優質商品

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Nokia 9 PureView
    • 現時售價: HK $3,998
    • 尺寸: 155 x 75 x 7.9 mm / 172 g
    • 電池: 3320 mAh
    • 插卡:
    • 螢幕: 2880 x 1440、 6 吋 OLED
    • 相機: 1200 萬像素CMOS
    • 顏色: 午夜藍
    • 時間: N/A
    • 上市: 2019-04-03
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • 無 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 無 3.5mm 耳機孔