移英必看!平用手機大法 Nokia Circular 手機訂閱服務:英國借玩 G60 一年

半島一號 | Nokia
手機訂閱服務係呢幾年玩新手機模式,例如我呢啲好想玩一陣機就甩手嘅人,唔想用咁多錢去煩 trade out 咗部機,呢個服務就食中咗我嘅需求。早前已經有唔同嘅傳言講 Apple 會推出手機訂閱服務,但 Apple 發佈會未到,Nokia 就趕先推出。呢個服務名為 Nokia Circular 手機訂閱服務,香港無嘅,但去咗英國讀書嘅我,立即訂咗一部玩下先!

NOkia-fb.jpg

早前 Nokia 指定國家推出 Nokia Circular 手機訂閱服務,英國係其中一個,只需要一個小小嘅價錢就可以享用一部 Nokia 嘅手機,而且後續維修保養等等都係由 HMD Global 提供,唔小心玩到壞咗甚至唔見電話,只需要上網 request 嘅,最快24小時內會送返部新機畀你,月費只係 12.5 鎊起(約 113 港幣)。留意返,目前 Nokia Circular 只在英國及德國推出,香港嘅網友可能要等一等先會知,目前只有 Nokia G60 5G 手機、Nokia XR20 手機及 Nokia T10 平板電腦可供訂閱。

螢幕截圖 2022-09-02 下午10.17.01.png
▲ 只需要上到 Nokia Circular 網站就入到呢個畫面,簡單快捷就可以選擇到想訂閱嘅電話。

螢幕截圖 2022-09-02 下午10.18.20.png
▲ 我選擇咗新推出嘅 Nokia G60 5G 嚟玩,家陣唔喺香港唔方便搵版主 Keith 借電話,唯有呢到玩住先,另外見到 Nokia 都會跟返個「清水套」畀你,始終有個套喺手電話無咁易花,無咁多保養嘅成本。

螢幕截圖 2022-09-02 下午10.22.18.png
▲第一次需要畀 42.5 英鎊(約港幣 386 元),當中包括咗 30 英鎊(約港幣 272 元)首次設定費用,其後每個月都會自動從你指定信用卡收到 12.5 英鎊(約 113 港幣)嘅訂閱費用,記得要確保信用卡係過到數,否則會收到 Late payment 費用。

螢幕截圖 2022-09-02 下午10.25.43.png
▲轉個眼幾分鐘就已經成功訂閱,你見到我係 9 月 2 日星期五晚上過咗 Office hour 去落 Order,從官網嘅 FAQs 講明,如果你係平日 5 點前成功訂閱,會即晚就送貨,第二日會送到你屋企,如果係週末或 Bank Holiday 就要等到工作日先執行,所以我係要等到佢哋星期一即是 9 月 6 日先會處理我嘅訂單。

螢幕截圖 2022-09-06 下午12.08.07.png
▲我喺星期一夜晚已經收到 DHL 嘅 Email 同我講有一件貨件從 HMD 寄出。

IMG_8503.jpeg
IMG_8504.jpeg
▲去到今日,即是 9 月 6 日星期二我已經收到 Nokia 電話,開箱後如新一樣(可能剛發佈,都係新機),日後有機會係翻新機。

如果你要電話卡都可以跟佢哋訂,家陣 Nokia 喺英國有推出 MVNO 嘅電訊商,叫 HMD Mobile,跟佢哋訂就大約 10 英鎊(約港幣 91 元)一個月有 10GB 5G 上網,上網係同英國電訊商 EE 合作,速度同覆蓋都可靠,但 HMD Mobile 用落係點我就唔知了。

我都有上網睇過唔同問題,例如唔見咗電話,要同 Nokia 報告返,佢哋會立即寄部新機並搖距咁鎖機同刪除資料,之後會向保險公司 Claim 錢,成功嘅只係收返用家嘅速遞費用及保險嘅費用,如果唔成功/唔見咗超過兩次,就會收返換機嘅費用,但未有好明確嘅價錢。

如果你用完第一部機夠 3 個月就可以換其他機,而且都會收取換機費用,而第二年換機費用只係一半,第三年就免費,即係你上咗會留得愈耐嘅,換電話嘅成本就下降,不過都係講緊 30 英鎊(約港幣 272 元)嘅價錢。

成本方面,我家陣上網訂部 Nokia G60 5G 需要 269.99 英鎊(約港幣 2454 元),但如果我只係玩一年就換機,一直都係用緊 Nokia 嘅電話,條數就可以幾好玩,但同樣地你直接買部新機返嚟肯花時間做 trade 咗部機,你都有轉會嘅選擇權。喺我眼中佢用嚟一部長用嘅電話未必係最抵嘅選擇,只係我有個選擇去周不時玩到新嘅電話,當中嘅樂趣又好似填補到。

此外留意返,如果你係最近先到英國嘅網友,未必有機會用到呢個服務,佢哋會審視你嘅信用分數去決定,有機會因為未建立好個人信用報告未被拒絕,但都可以試吓得唔得,再留言話畀我知。

想知  Nokia G60 呢部手機好唔好用,可以 Click 呢度睇 Review
廣告