HMD 喺香港推出 Nokia 215 4G 2nd Edition，定價係港幣 498 元。呢部雖然係 Feature Phone，但係特別加入咗 AI 助手功能，俾用家喺基礎通訊之外，體驗到語音操控嘅便利。此外，做到跟普通 iPhone 及 Android 用家做 Video Call 都係賣點之一。
有 AI 功能的 Feature Phone
Nokia 215 4G 2nd Edition 維持返 Nokia 一貫嘅實體鍵盤同細尺寸螢幕風格，賣點係夠晒襟用。最特別嘅地方係機身有個專屬 AI 按鈕，用嘅係 Sikey AI 技術 (嚟自深圳一間 AI 公司) 。用家只要動動口，就可以用 AI 幫手開電筒、開相機、Set 鬧鐘、提點自己或者直接打電話，甚至係問一啲簡單問題。對於唔想成日對住個螢幕嘅用家嚟講，呢種語音操作方式確實方便唔少。不過，根據 HMD 官方資料，呢個 AI 助手，仲未識聽中文。此外，裡面仲有一個叫 Xpress Chat 嘅功能，只要朋友或家人，係佢哋嘅 IOS 或者 Android 智能手機安裝同一個 App，就可以用文字甚至是 Video Call，令 Feature Phone 嘅朋友或老友記，都可以用最面對面嘅方法，跟家人溝通。
