▲ 目前 32GB LG G3 水貨價大約就 $2580 左右，如果問下行貨呢就要價 $3300 。
其實而家睇返， LG G3 的規格依然係相當唔錯的，又有 2k 芒同埋 Qualcomm S801 2.5GHz 同埋 3GB RAM 。 不過目前因為「大鋪即減」基本上都去到尾聲的關係，要等大鋪減價其實都唔容易，想用更平的價錢買 LG G3 的話大家可能就要留意先達場內啦。版主最近行過，就問到 LG G3 32GB 版本的「全新行貨」 就要 $3300 ，比起目前大鋪 32GB 版平一千多少少。如果覺得「全新行貨」價平得太少唔夠吸引的話，場內水貨價都係大約 $2580 左右，比行貨再平千八蚊左右。如果想用兩千幾的價錢玩 G3 但又對水貨無信心的話，版主就見到場內有一部有齊全套配件兼有張中移動單據的二手 LG G3 32GB 版，賣緊 $2480 左右。當然啦，買呢啲「全新行貨」機、所謂「有單據」機，始終都係有風險，大家入手前就要好好衡量啦！
至於大鋪行貨又係咪完全無吸引力呢？又未必嘅，之前版主 Eddie 都分享過係衛訊同埋 csl. 等指定供應商買 LG G3 就有得送 Google CardBoard 。但係而家 2015 的旗艦好似 HTC One M9 都即將到港，大家又會唔會買返上年的旗艦機呢？留言講吓意見啦！
▲ 呢部就係成 Set 配件齊全的二手行貨 LG G3 啦，仲有張中移動單據㗎！
▲ 呢個 Google Carboard 唔知有無網友用過，可以分享下好唔好玩呢？
在文章發佈的時侯， LG G3 (16GB) 定價 $3,898，按此看詳細規格和最新賣價。
在文章發佈的時侯， LG G3 (32GB) 定價 $4,398，按此看詳細規格和最新賣價。
在文章發佈的時侯， LG G3 Dual (16GB) 定價 $3,898 ，按此看詳細規格與最新賣價。
在文章發佈的時侯， LG G3 Dual (32GB) 定價 $4,398 ，按此看詳細規格與最新賣價。