主題:LG G4 發佈前版主爆料:香港唔出平價機背!G3 讓路五月抵港!

ePrice HK
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2015-04-27 19:59 收錄檢舉
    其實仲有一日 LG G4 就要發佈,反正 LG 都公佈左完整機身、規格、相機參數,差就差實機上手係點樣啦,其實呢部機都幾多人留意,可能因為 LG G2 同埋 LG G3 都有唔錯口碑,令大家期待新機出現啦。都有網友問過版主點睇呢部機,大家熟我既當然知道係睇左價先講啦!係呢段時間版主 Eddie 都收到一啲關於 LG G4 係香港開賣既消息,而家同大家分享下!

    LG G4 發佈前爆料:香港唔出平價機背!G3 讓路五月抵港!-0
     

    LG G4 香港唔出膠機背版!確定雙卡但未必雙 4G!

    首先同大家分享一下機身消息,之前網上都流出過 LG G4 會有菱形的膠機背和皮質機背,就版主知道香港是不會引入膠機身,始終要同上一代與別不同才好賣麻!不過因為這部機是可以拆殼換電的,所以官方亦會引入膠機背的 Flip Cover ,當然亦會有第三方產品出現啦,暫時知道電池會跟上一代一樣是 3000mAh ,不知道最終推出的時侯會不會有變動。

    而處理器方面,版主在很早期就收到消息 Qualcomm S808 是確定了,會配 3GB RAM 而沒有 4GB RAM ,不知道香港會推出多大的容量,屏幕會是 5.5 吋的 2560 x 1440 。之前網上傳聞 LG G4 有微彎屏幕,就我知道既事實係 LG G4 的屏幕設計是有一定的「彈性」,去減低跌落地下的衝擊力,不過要像 LG G Flex 2 一樣變彎就應該不行了。係上一代 LG G3 強調有鐳射高速對焦,而 LG G4 亦會有這個功能之餘,會有 f/1.8 大光圈,今代終於加入了 Mode 可以去調 ISO 和快門了,希望會大大改善上一代自定性不足的缺點,而相機感光元件會是 1300 萬像素還是 1600 萬像素,版主兩種說法都有聽講過,不過比較可信的是維持 1300 萬像素不變。

    大家當然會想知道 LG G4 既定價同埋開賣日期,定價之前版主虎仔都講過 LG 自爆在 $6,380 左右,香港方面的定價是還沒定案的(當然啦,都未發佈!)不過版主就知道香港會是首賣地區,之前有網站誤傳這部手機要在 5 月 31 號先開賣純粹是誤會,因為 4 月 29 號韓國就會開賣,香港預計會在 5 月 20 號前後,相隔大約半個月有機會韓水會更快啊!(偷偷跟大家說,LG G3 會在 G4 抵港前減價,即使想買都忍一忍手啊!)

    當然,ePrice 的版主聽日都會同大家一齊直擊 LG G4 既發佈,好似冇乜人講過發佈會時間?而家同你講係聽晚夜晚 11 點左右,當然 ePrice 會有最新最快既消息報導啦,想第一時間知道就要聽晚「部」住我地網頁既更新啦!

    LG G4 發佈前爆料:香港唔出平價機背!G3 讓路五月抵港!-1
    ▲左邊是膠機背版,而右邊是皮革機背,版主收到風會主打七色皮革,橙色、黑色與藍色是重點。

    ​真機皮背曝光  諜照爆 LG G4 將有雙 SIM 卡版本
    ▲暫時知道香港會出雙卡版,不過官方仲未決定係 4G+ 4G 定係 4G+ 2G 的組合

    【多圖】​發佈會提前舉行? LG G4 相片配置跑分悉數曝光
    ▲f/1.8 大光圈是 LG G4 的一個重點,而之前傳聞不停講 LG G4 有屏幕會似 LG G Flex2 可以彎,版主點睇圖都見唔到有彎啵,反而知道係設計上有一定「彈性」,具備防爆作用。
     

    LG G4 相關文章:

    真機皮背曝光 諜照爆 LG G4 將有雙 SIM 卡版本
    【多圖】​發佈會提前舉行? LG G4 相片配置跑分悉數曝光
    拍攝能力大幅提升 LG G4 相機參數公開
    LG 展示 G4 全新介面

    立即加入Facebook 專頁,新聞/消息/優惠,最快知。

    01樓 ▲TOP 回列表頁