▲ 想等大鋪減價? 可能最快都要 5 月中。
大鋪企硬唔減,細鋪行貨平七百!水貨變動不大
係 G4 正式發佈前,其實版主 Eddie 都有提到過,大鋪現階段係無意再將 G3 的價錢調低的,主要原因可能係因為 4 月頭的時候先減過一次。如果大家有意入 G3 而又只會幫襯大鋪的話,最好就等到 G4 係香港開賣時再留意下,因為到時減價的機會更大。暫時大鋪 G3 的定價仲係 $3998 ,未有大變動。如果想以一個較便宜的價錢入手行貨 G3 的話,細鋪可能係一個更好的選擇。版主到過深水埗就發現香港行貨版本的 LG G3 雙卡 32GB 版本 $3280 就有交易,比起大鋪平 $700 左右,算係有一定的吸引力。好多朋友提起 LG 手機都會留意一下水貨,不過暫時場內水貨價錢變動其實唔大。以 16GB G3 為例所見標價較平都要 $2380 左右,而 32GB 版本就約係 $2580 上下。除左深水埗細鋪係 $3280 之外,「場內行貨」價錢亦都相近, 32GB 單卡 $3050 可以買到而雙卡就係 $3100 ,貴五十蚊。講得 G3 水貨日水當然都要提一提嘅,目前 L24 的強化版 V31 (即係 3GB RAM 版本,規格同港行其實一樣)目前都係 $3080 左右,而 L24 就平啲,賣價 $2380 就
分享完 G3 近日場情之後,版主就覺得如果沒有打算入手 G4 而打算揀 G3 的朋友其實不用太心急著,再等到 G4 來港開賣時再睇睇都未遲,因為 G4 5 月 12 就會在港發佈,好快就會開賣。到時 G3 再減價的空間就應該更大啦!
▲ 深水埗的香港行貨賣 $3280 ,比起大鋪平。而「場內行貨」價錢都係呢個價位左右。
▲ 如果以場內水貨來講,價位大約都在 $2400 - $2600 左右。
在文章發佈的時侯, LG G3 (32GB) 定價 $3,998 ,按此看詳細規格和最新賣價。
在文章發佈的時侯, LG G3 Dual LTE(32GB) 定價 $3,998 ,按此看詳細規格和最新賣價。