LG G4 膠版價錢小跌！G3 場內正行跌破 $3,000 了！
首先同大家報下 LG G3 場內價錢，當年因為佢因為有 2560 x 1440 解像度（大家都叫 2K 芒）既屏幕，所以先達唔少鋪頭有引入，價錢亦都跌得好快，直到行貨抵港，佢都一直比起其他同級旗艦低一個價位，亦都係唔少人選擇佢既原因吧？呢部有 5.5 吋 2 K 大芒既手機，採用了 Qualcomm S801 2.5GHz 四核，有分 2GB RAM +16GB ROM 與 3GB RAM +32GB RAM 版本，相機都係採用 1300 萬像素主鏡頭配 200 萬像素前鏡頭組合，內置 3000mAh 電池，現時先達場內搵到 32GB 高配版「全新行貨」都係賣 $2,980 ~ $3,080 ，真係可以 $3,000 以下入手。至於韓水版 LG G4 ，上個星期六番貨，當時賣到 $7,000 都仲有人買，皮革版仲極賣斷貨！估唔到開賣一個星期，版主見到先達場內的 LG G4 膠殼版賣緊約 $6,380 ，而皮革機殼版賣價約 $6,880，根據貨量價位會有 $100 ~ $200 的落差。話就話佢係新一代既 LG 旗艦機，不過從帳面規格睇佢都係用番 5.5 吋的 2560 x 1440 解像度屏幕、電池量維持在 3000mAh ，就是處理器升級做 Qualcomm S808 六核心配 3GB RAM ，內置 32GB 容量，相機亦改用了 1600 萬像素配合 800 萬像素的組合，係咪一個大既進步？版主睇過試相係唔錯既，不過性價比方面就…
其實 LG G4 亦將會在 5 月 12 日發佈，行貨好快都會係香港賣。關於 LG G4 開賣之前更多細節，版主都收到唔少風，之前就同大家講過 LG G4 好大機會係香港只推出皮革版而沒有膠版，外面傳聞 $5,698 既價錢版主實在聽都未聽過，但價格範圍有人透露過是在 $6,000 樓下，另外版主就知道香港版 LG G4 既跟機贈品就幾「土豪」下，至於會係咩大家開賣就會知道
。順帶一提，之前咪同大家講過 LG G4 會直接出雙卡版，但竟然是 4G + 2G (代表第 2 個 SIM 卡槽只能支援 2G) ，如果真係咁雙卡意義真係唔大
。如果唔知買唔買好，有興趣想試下 LG G4 就一定要留意，因為除左下星期有發佈會之外，亦有 csl. 與 ePrice 合作搞的 LG G4 試玩會，當然就係免費試玩啦，但名額有限，先到先得，大家記得 Click 入呢條 Link 報名啦！
▲現時「全新行貨」的 LG G3 ，係場內搵到最平 $3,000 有找，有些鋪頭都係賣 $3,080 ；假設港行的 LG G4 賣 $6,000 樓下，都有接近 $3,000 既差距啊…
▲順帶一提，版主係場內見到有人放二手的 HTC One E9+ ，香港未有行貨呢部當然係水，而之前同大家講過普通版賣 $3,780 ，呢部平幾百但有 2K 芒，大家又點睇呢？
LG G4 發佈會相關文章：
F1.8 大光圈+ 3000 mAh 可換電！ LG G4 正式發佈鬥 Galaxy S6三大必衝原因：真皮革、高規格、體驗正！LG G4 真機機上手圖賞！
LG G4 五月登場確認！機皇比鬥 M9 、Z4 、S6 你撐邊部？
在文章發佈的時侯， LG G4 仍未公佈於香港的行貨定價，按此看詳細規格和最新賣價。