LG V10 SUN Mobile 再減價！ 64GB 版本平再減 $500
而家講最平入手 V10 的方案，實在好難唔提 SUN Mobile ，原因不是因為佢哋特別平，而家係因為目前只有佢哋引入左 V10 的 32GB 版本，價錢亦都比 64GB 版本平差不多 $700 。近日， SUN Mobile 再次改變上台策略，令到出機價可以更平， V10 亦係受益對象之一。以 V10 32GB 版本為例，最平入手價錢只係 $3598 ，再一步追貼 LG G4 賣價。而 64GB 版本的 V10 更加跌破四千，只係 $3998 就可以入手！不過係咪真係最抵玩，就好難講。而家再講下 SUN Mobile 上台計劃的改變是點的。
▲而家 SUN Mobile 門市大家可以見到「上台超激賞價」，可以見到 V10 上台機價會平左，不過「限速 Plan」就無份。
「太陽台」又改玩法：最高 42Mbps 4G 隨時用數據計劃，上台機價會係最平
係上年 12 月大鋪劈價戰開始後， SUN Mobile 反應相當快，將全線手機的「淨機價」都減至同大鋪差不多，同時上台計劃的內容都有變動。而上台計劃內容有所改變之後， SUN Mobile 上台優惠價基本上價錢係劃一的。即係，無論你係選擇 $108 月費的「4G隨意用數據服務計劃」，還是選擇月費由 $146 起跳的「4G隨時用數據服務計劃」，「上台價」都會一樣。不過係近日， SUN Mobile 又改左玩法，上台出機的話，會有幾個價錢，我們可以用簽約期作區分，簽 12 或 18 個月的話，機價會比較貴（所以接下來都唔會再講），而簽約 24 個月手機價就會比較平。當中同樣簽約 24 個月，但「限速 Plan」同用量 1GB 起跳的 42Mbps 數據 Plan 的上台機價都有唔同，選用 42Mbps 數據 Plan 的話，可以用到「上台超激賞價」，呢個價錢會係 SUN Mobile 最平的，以 V10 32GB 版本為例，佢嘅「上台超激賞價」可以做到 $3598 ，比起上星期平多一百。而一般限速 Plan 的手機上台價就要貴一百。
▲ 呢張圖可以睇清楚現時 SUN Mobile 上台不同玩法。
客戶買機又點計？用最平價錢買機需要加簽！
講完上台出機做法之後，再講一下客戶買機的做法。上面提到， SUN Mobile 最新做法區別左「限速 Plan」以及「最高 42Mbps 4G 隨時用數據 Plan」兩種客戶，後者的上台出機價會比較平。如果係現有 SUN Mobile 客戶想買機的話，情況是一樣的。又以 V10 32GB 版本做例子，用緊「限速 Plan」的客戶只能用 $3698 呢個價錢買機，而「最高 42Mbps 4G 隨時用數據 Plan」客戶就可用 $3598 呢個價買機，即係平左 $100。不過，現有客戶買機都未必係咁抵，因為要用到上台價的話，現有 SUN Mobile 客戶係要加簽合約，年期為兩年。點解版主話唔抵呢？以主要對手 CMHK 的客戶價買機情況做個對比就知點解了！現時， CMHK 客戶係可以在合約期餘下 6 個月以上的情況下無需加簽，都用到「上台簽約價」買機。換轉係 SUN Mobile 就需要加簽 18 或 24 個月的合約了。
總括來講，係今次 SUN Mobile 再改上台／客戶買機價錢之後，除左 V10 ，唔少機款都有更平的上台價，一般平到 $500 。好似係 Sony 的 Z5 Premium 「上台超激價」就係 $4298 ，對於有意上台的朋友其實係抵玩左的。（因為上月 SUN Mobile 更改上台計劃內容時，一般旗艦的「上台價」比起「淨機價」只係平多 $100）但係對現有客戶來講，買機時可能就要多考慮啦！睇返之前網友意見，一般都認為係現時環境之下，要上台簽兩年約出機（而又沒有平很多），實在唔著數，今次又點睇？
▲ Z5 Premium 的「上台超激價」，比起現時大鋪賣價可以平到 $500 。
▲ 一般而言，SUN Mobile 的「上台超激價」即係「淨機價」減 $500 ，新推出的 Galaxy A5(2016) 以及 A7(2016) 就是一例。
參考：SUN Mobile 官網