LG 手機大平賣！最平 $1700 有找，入手是時候了？
講左 CMHK 門市減價的手機先！想講的是 LG X Cam，呢部 7 月推出、擁有雙鏡頭的 X Cam，原價 $2398，到 10 月的時候，LG 將建議零售價調低，改為 $2198，而大舖亦都有「即減 $300」的優惠，最新賣價為 $1898。時隔差不多兩個月，雖然大舖賣價依然無減，不過原來 CMHK 已經減多 $100，只需 $1798 就可以買到。至於細舖，則再平 $100，最新賣價為 $1698。呢個價錢，玩到雙鏡頭 + 玩味十足的照片特效，網友又覺得值唔值呢？
性價比更高的選擇！華為 Honor 6X 認真超值？
如果 LG 手機唔能夠吸引到你的話，咁就要留意一下接住落黎會講的呢部: 華為 Honor 6X！其實呢部手機版主一直想搵機會同大家介紹，不過一直都搵唔到一個合適的時機。Honor 6X 擁有很高的性價比，就連深水埗的舖頭都大力推介呢部手機，採用金屬機身以及 5.5 吋 1080p 屏幕，配備 Kirin 655 處理器，並內置最高 4GB RAM 以及 64GB ROM。同時，Honor 6X 同 X Cam 一樣，都係具備雙主鏡頭，分別為 12MP 和 2MP，以達到更佳的景深效果。呢部 Honor 6X 未在香港上市，有興趣的只能考慮水貨，3GB + 32GB 版本賣價為 $1380，而 4GB + 64GB 版本則賣 $1980。以差不多價錢來說，Honor 6X 會是你更好的選擇嗎？
LG X Cam 在文章發表時，大舖賣價為 $1898，按這裡有詳細規格及最新賣價。