主題:Dual!咁都得?LG 雙芒配件扮摺機

  • 發表時間:2019-02-25 08:44 收錄檢舉
    昨晚發表的 LG V50 ThinQ 被外國傳媒鬧爆,話利用 V40 ThinQ 加少少就當 5G 新機,除了改用 Snapdragon 855 處理器、Snapdragon X50 5G Modem、電池容量加大至 4,000mAh 和擁有新的散熱系統,其實還有 LG 對抗新款摺機的秘密武器!唔識嘅就嚇死,識嘅就笑死!跳轉睇睇。

    Dual!咁都得?LG 雙芒配件扮摺機

    版主虎仔執筆之時,市場上發表了的柔性屏幕摺機包括 Royole FlexPai、Samsung Galaxy Fold 和華為 Mate X,而 TCL 亦展示了原型機。無論網友喜歡與否,將手機攤開變成平板使用,是這些新款摺機的賣點。昨晚發表的 LG Dual Screen 亦有異曲同工,不過 Dual Screen 並非新手機,而是搭配 V50 ThinQ 使用的附加屏幕配件。

    Dual!咁都得?LG 雙芒配件扮摺機
    ▲ LG 明明有自家屏幕生產技術,卻用呢個設計去挑戰新款摺機。

    將 LG Dual Screen 套上 V50 ThinQ 手機後,就會從 V50 機背的接口取電,並以 LG 獨家的 Wi-Fi 晶片傳輸訊號,手機就可以即時擁有兩塊屏幕。不過礙於 Dual Screen 的闊邊框,V50 的屏幕為 6.4 吋,附加的 OLED 屏幕只有 6.2 吋。

    Dual!咁都得?LG 雙芒配件扮摺機
    ▲ 將 LG Dual Screen 安裝到 V50 ThinQ,就會出現幾個選項。

    先講講好處:
    - Dual Screen 合起來可以當成一個昂貴的保護殼。
    - 可以 360 度轉動的鉸位,給予用戶更多彈性。
    - LG 在系統內加入鏡像、平板等屏幕選項,用戶可在左右屏幕各開一個 App。
    - 雖然依靠 Wi-Fi 傳輸畫面訊號,但沒有任何遲滯。

    Dual!咁都得?LG 雙芒配件扮摺機
    ▲ 雖然未公佈售價,但肯定唔平,用來當保護殼真係好奢侈。

    Dual!咁都得?LG 雙芒配件扮摺機
    ▲ 鉸位可以 360 度轉,使用起嚟係有啲彈性嘅。

    Dual!咁都得?LG 雙芒配件扮摺機
    ▲ 不過如果將 Dual Screen 完全翻轉,就會將 V50 的鏡頭連同指紋辨識都遮住,勁唔方便囉!

    不過 LG Dual Screen 亦有其缺點:
    - 沒有內置電池,需要依靠 V50 供電,雖然 V50 的電池容量增加至 4,000mAh,但這是為了配合 5G 網絡的需要。
    - 加上配件後,V50 的體積和重量即時增加,令本身已經偏大的手機變得更厚。
    - 最難頂的是兩塊屏幕的質素不一,外國傳媒測試時發現,Dual Screen 屏幕無論是色溫還是可視角度都跟 V50 不一致,而且兩邊尺寸不同亦相當礙眼。
    - 系統有奇怪狀況,例如明明將 App 放在右邊,但鍵盤卻在左邊顯示;當虛擬遊戲手掣使用時,不時無法準確辨認。
    - 最後,心水清的消費者都會知道,V50 ThinQ 作為首部 LG 5G 手機,產品週期可能非常短,而新款摺機亦肯定會在短期內登場,LG Dual Screen 未必能夠用在其他機型之上。

    Dual!咁都得?LG 雙芒配件扮摺機
    ▲ 兩塊屏幕大細唔同,仲要色溫同可視角度都唔同,會唔會 Hea 咗少少?

    資料來源:theverge
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁