主題:國產龍芯生性了?桌面級 CPU 效能殺入 Android 系統

  • 發表時間:2015-08-19 11:24 收錄檢舉
    講起龍芯,我唔係想講某人,而係要講大陸半導體公司龍芯科技。最近推出兩款處理器龍芯 3A2000 以及 3B2000,支持 ARM 架構指令集,姐係同 Intel 一樣可以玩 Android 系統! 睇黎龍芯好大野心,一出新 CPU 就想玩埋移動裝置市場?

    國產龍芯生性了?桌面級 CPU 效能殺入 Android 系統

    先講下歷史:呢間野都有十幾年歷史,一開始靠國家開飯,直到最近先有市場化運作既趨勢。過往處理器真係唔太亮眼,皆因出過既處理器少人用,兼容性唔高,所以一直處於無人問津狀態。今次推出兩款新處理器,號稱性能跟 Intel 桌面級 i3 550 差唔多,對比 i5 4660 大約有 60% 性能表現。

    國產龍芯生性了?桌面級 CPU 效能殺入 Android 系統

    但其實細心一睇,呢個測試係將 Intel 處理器降頻到 1GHz,同龍芯相同頻率作比較 icon。呢次新處理器最大特點莫過於能夠透過程式編碼轉換,支援 ARM 架構指令集,情況與 Intel X86 模擬跑 ARM 相若,能夠兼容 Android 系統。

    國產龍芯生性了?桌面級 CPU 效能殺入 Android 系統

    其實大陸處理器並非新鮮事,最出名係海思,因為華為最愛用麒麟處理器加入旗下產品,而且效能跑分亦有能力同外國大廠一拼;仲有一個經常出現係低檔產品既瑞芯 Rockchip,不過效能真係稍微 「Cheap」 左少少。龍芯雖然過往處理器唔受市場關注,但「往績」卻備受矚目:處理器技術曾被發現侵犯 MIPS 知識產權,之後補水平息法律糾紛;龍芯電腦被發現沒有實機情況下,利用軟件堆砌「實機圖」。

    龍芯這次推出新 CPU,不少大陸網民認為是進步。但根據官方資料,大家如果想係真正的消費市場見到植入龍芯的電子產品,其實還是言之尚早。推出後,網友們又有無興趣嘗試使用呢?

    來源:驅動之家

    立即加入Facebook 專頁,新聞/消息/優惠,最快知。

    01樓 ▲TOP 回列表頁