Google Nexus 6 大鋪清貨價再減!跌破四千買唔買?

Lawrence | Moto
上個星期就同大家分享過 Google Nexus 6 係大鋪有清貨優惠,當時版主查詢時大鋪已經過貨源不多,清埋餘下的貨就沒有了。但係如果各位同版主一樣以為 Nexus 6 的減價已到盡頭的話就大錯特錯了!因為近日版主到大鋪查問時 Nexus 6 又更平了,而同時間新推出的 HTC One ME 又做緊 10% 減價,唔知大家又會點揀呢?

//timgm.eprice.com.hk/hk/mobile/img/2015-07/02/202610/lawrencelaw_1_4537_bb6b7616bbe7aadc17567f9c64ce8f6c.jpg


低處未算低! Nexus 6 大鋪再減價

上星期大鋪就為 Nexus 6 清貨而將價錢減到 $4288 ,價錢同一開始在香港推出時 3HK 所做的上台機價一樣。今次再到大鋪查鋪時版主就發現在百老匯 Nexus 6 的價錢「再下一城」,只係賣 $3998 ,雖然唔係話真係減左好多,但跌破左四千價位的確係更吸引啊!除左價錢之外相信大家都好關心另一個問題就係仲有無貨,暫時來講係旺角百老匯都仍然係有小量白色版 Nexus 6 的,而版主到其他區查詢時就要已經沒有現貨,要訂先可以入手。除左百老匯做 Nexus 6 清貨之外其實衛訊都有,不過就仍然要 $4288 。經過一減再減,而家係大鋪 Nexus 6 價錢同先達場內行貨 Nexus 6 價錢已經相差唔遠了,場內行貨價都仍要 $3680 。


HTC One ME 一推出衛訊即減價,場內平近兩百

價錢跌到落四千樓下的仲有新推出的 HTC One ME ,之前版主就預告左 HTC One ME 係 7 月 1 號推出後衛訊會即時將佢納入即減 10% 優惠裡面。今日版主再到衛訊查問時果然 One ME $3958 就有交易,同 One E9+ 一樣。 One ME 可以話係同 M9+ 的塑膠版,但係規格上基本是一樣的,同樣係 5.2 吋 2K 芒,處理器都係 MTK 的 helio X10 2.2GHz 再加 3GB RAM 以及 32GB 內置容量,相機方面主要別就係 ME 無左雙鏡頭但都仍有二千萬像素主鏡頭。如果想以更平的價錢入手其實都有法,因為先達場內有細鋪賣緊行貨 One ME 只係 $3798 ,平約兩百蚊左右。

分享完 Nexus 6 同 HTC 新機跌價後,唔知大家又覺得邊部機價錢更吸引呢?一齊留言講講啦!icon

//timgm.eprice.com.hk/hk/mobile/img/2015-07/02/202610/lawrencelaw_3_4537_b1baf4cb39f372291a36f19cd6bd11dc.jpg
嘩!之前仲要四千二的 Nexus 6 而家又跌⋯⋯實在叫人好難唔心動。

HTC One M9+ 場價平足一千! One Me 開賣即減更抵玩?
同樣跌落三千九左右的手機亦有 HTC One ME 。

在文章發佈的時侯, Moto Nexus 6 ( 32GB) 最新賣價為 $3998,按此看詳細規格及最新賣價。
在文章發佈的時侯,HTC One ME 最新賣價為 $3958,按此看詳細規格和最新賣價。
廣告