兩千幾入手四大廠 S801 行貨旗艦攻略

Lawrence 2015-07-02 20:29 | Moto
近來聽到不少朋友都話而家要揀手機真係不容易,因為各大牌子推出的新一代旗艦好多都只係做左小升級,而且唔多唔少都有點小毛病,再加上賣價閒閒地要四千幾蚊,計落實在不太化算。反而 2014 年推出的 S801 系列旗艦級數手機雖然已經推出左一段日子,但係規價到而家都唔失禮,日常使用真係夠用有餘。今次版主就同大家分享下各大廠牌有甚麼舊代 Qualcomm S801 旗艦行貨機係 3 千樓下可以入手的,想執平貨的朋友要留意啦!

//timgm.eprice.com.hk/hk/mobile/img/2015-07/02/202613/lawrencelaw_3_4537_fae5f1aacbe52ae1623199d5e8b1e04c.jpg

大鋪信用卡優惠! 5.2 吋 FHD 芒 Moto X 2nd 三千有找!

首先介紹的就係相對較為近期推出,而且大鋪可以買到的 Moto X 2nd ,呢部機雖然係 9 月已經在美國推出但係 15 年頭先到港開賣,而且定價都相當大膽,要成 $4998 ,反應當然都麻麻地啦。過左半年後,百老匯就為 Moto X 2nd 推出左信用卡優惠價了。講返 Moto X 2nd 的規格先,呢部機版主 Eddie 都做這開箱試玩,吸引之處主要都係用左原生 Android ,而係規格上就有 5.2 吋 FHD 芒, Qualcomm S801 2.5Ghz 處理器配 2GB RAM 以及 16GB 內置容量, 1300 萬像素主鏡頭以及 200 萬像素前鏡,內置電池為 2300mAh 。要數缺點相信就係呢部機不能插卡同換電,一般用家都可能不夠用啊!目前百老匯就做緊信用卡優惠, $2998 就可以買到 Moto X 2nd ,但要留意係指定信用卡先有。

//timgm.eprice.com.hk/hk/mobile/img/2015-07/02/202613/lawrencelaw_3_4537_826273a859043d7d3895b0225002ea0d.jpg
百老匯 Moto X 2nd 優惠只限匯豐的信用卡, 入手前要留意!

大鋪價錢小減, HTC One E8 又是否值得考慮?

有關呢部 HTC One E8 ,之前版主 Keith 都分享過豐澤網上特價場可以用 $2798 呢個價錢入呢部機。但對於錯過左的朋友又有無方法可以平買到呢?其實都有,因為衛訊呢排以經為 One E8 標價為 $2798 ,而係鴨寮街入手的話價錢會再平少少,大約二千五有找。講返 One E8 ,係規格上支援中港 3G,4G 可以話係主要賣點,另外有 5 吋 FHD 屏幕、 Qualcomm S801 2.5Ghz 處理器配 2GB RAM 以及 16GB 內置容量(支援 SD 卡),相機鏡頭為 500 萬像素前鏡以及 1300 萬像素主鏡頭,電量就有 2600mAh 。

//timgm.eprice.com.hk/hk/mobile/img/2015-07/02/202613/lawrencelaw_3_4537_e0f634c71638e02adb998a866ae4eb16.jpg
One E8 雖然都減左一段時間,但而家都仍可以買到。

Sony Xperia Z2 深水埗細鋪行貨兩千九有找

不少網友都有討論過 Sony Xperia Z3 同 Z3+ 相比邊一個更抵買,不過對於想平入 Sony 行貨旗艦的朋友來講可能 Xperia Z2 都係一個不錯的選擇。除左 IPS 5/8 的防水設計和 Omni Balance 雙玻璃面設計有齊之外, Z2 係規格上都有5.2 吋的 1920 x 1080 解像度 IPS 屏幕,同時 S801 2.3Ghz 處理器更配上 3GB RAM 以及 16GB 內置容量,相機方面一樣有 2070 萬主鏡頭以及 200 萬像素前鏡,電池亦都比之前介紹的兩部多,有 3200mAh 。雖然係大鋪大家已經好難見到 Xperia Z2 的蹤影,即使見到價錢都不算便宜,但在鴨寮街的細鋪都仍然可以用 $2880 呢個價錢買到。提提大家,係細鋪入手 Sony 機前記得要認清楚是否 Sony 的特約經銷商啊!
(附上 Sony 認可經銷商名單連結

//timgm.eprice.com.hk/hk/mobile/img/2015-07/02/202613/lawrencelaw_3_4537_0e7d6b9b04edc0176e0f8f86de9c16b9.jpeg
到細鋪買 Sony 機的話,最緊要就係認清楚該鋪是否 Sony 的特約經銷商。

三千樓下買 G3 都有計!旺角樓上鋪兩千八有找

雖然而家大鋪買 G3 大約價錢都仲係要 $3698 ,但想用三千樓下買到雙卡版 32GB G3 行貨其實都有辦法。同上面所提及的幾部 S801 手機相比, G3 較為不同的地方主要就係屏幕方面推到上 2K 解像度,另有 Qualcomm S801 2.5GHz 四核配合 3GB RAM ,相機就有加上鐳射對焦的 1300 萬像素主鏡頭以及 210 萬像素前鏡,另一賣點就係有 3000mAh 可換式電池。版主發現旺角樓上鋪華仁影音已經以 $2880 賣緊行貨 G3 雙卡版,有意平入 G3 的朋友都可以考慮一下。

//timgm.eprice.com.hk/hk/mobile/img/2015-07/02/202613/lawrencelaw_3_4537_42890b472fcb0a03c609e692d3b296b4.jpg
先達 G3 的行情版主都有留意過,如果要行貨的話就有單卡版,價錢都係 $2880 。

分享完以上幾個大牌子的 S801 手機後,大家可能會問點解無左 Samsung 呢?好可惜,版主暫時都未搵到有方法可以用少過三千蚊入手行貨 Galaxy S5 ,大家又覺得以上幾部 S801 手機邊部最值得入手呢?不妨一齊講講啊!

在文章發佈時,Moto X 2nd 賣價為 $4998 ,按此看詳細規格及最新賣價。
在文章發佈時,HTC One E8 賣價為 $2798 ,按此看詳細規格及最新賣價。
在文章發佈時,Sony Xperia Z2 賣價為 $3698 ,按此看詳細規格及最新賣價。
在文章發佈時,LG G3 賣價為 $3698 ,按此看詳細規格及最新賣價。

最新新聞