就在今日,MotClub HK 在 Facebook 專頁上傳了一則海報,表示在明日、後日 (30 / 6 - 1 / 7) 會於旺角先達 2 樓舉行「全綫勁減優惠展銷」,講到明係「全綫」,當然係包括入門、中階、旗艦不同級數的手機啦!當中最平、最入門的,是 Moto E3 Power,只需 $888 就可以入手,配備 MTK MT6735P 處理器、2GB / 16GB、3500mAh 電池,是後備機的其中一個選擇。而如果嫌配置太低階,可以睇下 G4 Plus / G5 Plus,呢兩代的手機都減到二千樓下,而且比出面大舖賣得更便宜 (G4 Plus 版主豐澤見過最平 $1598)。
不過,如果論減價減得最勁的,應該是 Moto 模組手機,Moto Z 以及 Moto Z Play,特別是 Moto Z,原價 $4999 我都認同係標得太高,但而家減到三千蚊唔使,$2998 就可以入手,又好似都諗得過喎,僅與 Moto Z Play 相差 $400!而買埋佢嘅模組,亦都比以前平左好多,最多人關注的哈蘇模組,而且 $1800 有找已經可以入手。雖然你可能會覺得,而家仲買 S820 手機托咩,但模組手機始終都是 Moto Z 系列的賣點,亦是市場上比較少有的設計,始終還是有佢嘅市場。而家減到呢個價錢,網友係咪應該可以考慮下呢?
有關「全綫勁減優惠展銷」詳情,可看下圖:
▲ 以上展銷貨品全部都是香港原裝行貨。
Moto E3 Power 在文章發表時,優惠價為 $888,按這裡有詳細規格及最新賣價。
Moto G4 Plus 在文章發表時,優惠價為 $1498,按這裡有詳細規格及最新賣價。
Moto G5 Plus 在文章發表時,優惠價為 $1998,按這裡有詳細規格及最新賣價。
Moto Z 在文章發表時,優惠價為 $2998,按這裡有詳細規格及最新賣價。
Moto Z Play 在文章發表時,優惠價為 $2598,按這裡有詳細規格及最新賣價。