記得當時 MotClub HK 就喺 Facebook 專頁問大家：」如果香港出呢期好 hit 嘅 motorola 新款 Snapdragon 8 Gen 1 旗艦機國際版 (未知叫咩名) 行貨，要大約五千尾唔駛六千蚊，您點睇？」當時都同大家揭示咗，佢哋有推行貨嘅計劃，並且價錢會係 $6000 之內，只係一直都未知，幾時先會登場。
然而最近版主就收到消息，呢部 moto Edge 30 Pro 將會喺 3 月 28 日推出，價錢維持喺初初預計嘅，都係 $6000 有找，如果係咁，呢部 moto Edge 30 Pro 又係咪吸引到你入手呢？
規格方面，moto Edge 30 Pro 採用 6.7 吋 FHD+ 的 OLED 平面屏幕，支持 144Hz屏幕刷新率，支援 HDR10+ 顯示，配備咗高通 S8 Gen1 處理器，出廠預載 Android 12，搭配 LPDDR5 記憶體以及 UFS3.1 儲存晶片，未確定香港會出哪個儲存容量版本，不支援記憶卡擴充，內置 4800mAh 容量的電池，並支援 68W 的 Turbo Power 快充。相機部分，Edge 30 Pro 用上 50MP 廣角 + 50MP 超廣角 + 2MP 景深三鏡頭，前置鏡頭則為 60MP。另外，moto Edge 30 Pro 支持側面電源鍵整合指紋辨識。
