Moto G82 5G 大舖減價，千幾蚊有交易
首先講咗最近有減價嗰部先，唔係 Sony，唔係 Nokia，而係 Moto，今個月衛訊推中銀信用卡優惠，將 Moto G82 5G 手機減價，由建議零售價 $2399 減至 $1799，減幅有 $600！唔單止有 6.6 吋大芒，又有 5000mAh 大電，而且有 8GB RAM + 128GB ROM，唔會失禮，仲具有 50MP 標準 + 8MP 超廣角 + 2MP 景深鏡頭，前置鏡頭則為 16MP。成個 package 望落都靚靚仔仔，你又會唔會考慮呢？按這裡有 Moto G82 5G 詳細規格及最新賣價
其他選擇 (1)：Nokia G60 5G
Nokia 推出的 S695 中階手機，當然並不只是一部，但說到價錢比較親民的，應該係呢部 Nokia G60 5G，10 月中先香港推出，建議零售價 $2298，出面大舖目前都未有減價。同 Moto G82 5G 都有些地方相似，都係有大芒，不過細少少，6.58 吋芒，但 RAM 同電都少啲，6GB RAM 同埋 4500mAh 電，具有 50MP 標準 + 5MP 超廣角 + 2MP 景深鏡頭，前置鏡頭則為 8MP。按這裡有 Nokia G60 5G 詳細規格及最新賣價
其他選擇 (2)：Nokia X30 5G
除咗 Nokia G50 5G，同期亦都有一部價錢偏高一點的 S695 手機 Nokia X30 5G，而呢部手機相機係賣點，特別係夜拍，標榜喺夜拍有唔錯表現。但價錢去到 $3698，相距有點多，當然一分錢一分貨，佢去得呢個價錢，相機質素又真係好啲。佢除咗有 6.43 吋芒，內置 8GB RAM +256GB ROM，電池有 4200mAh，相機有 50MP 標準 + 13MP 超廣角鏡頭，前置鏡頭則為 16MP。另外，相機亦有 5 大 PureView 功能，按呢度可以了解更多手機詳情。
其他選擇 (3)：Sony Xperia 10 IV
最初呢部手機推出時，出來定價我見到當堂嚇一嚇，$3799 唔係偏高咁簡單，係太高，不過後來好彩，官方可能都知咩事，就不斷將手機減價，現時最新賣價 $2999，算係回到合理範圍內。呢部 Sony Xperia 10 IV 屏幕尺寸偏小，得 6 吋，內置 6GB RAM 以及 128GB ROM，電池容量為 5000mAh。相機部分，Xperia 10 IV 具有 12MP 標準 + 8MP 超廣角 + 8MP 望遠鏡頭，前置鏡頭則為 8MP。按這裡有 Sony Xperia 10 IV 詳細規格及最新賣價
