Google 香港新聞稿有「彩蛋」? 手機八達通或不再三星、華為、Apple 獨有!

左定坤 (Cho Ting Kwan) 2022-05-12 15:31 | Google
話說尋晚 Google I/O 發佈會,佢哋官方網站就話宣佈咗 100 件事,太多我就唔會詳講,我只會揀重點嚟講。重點係,今日 Google 香港都發出咗新聞稿,其中有一項功能,講明香港會推出,而且有機會將八達通打通所有 Android 手機!變相唔再係三星、華為手機先用到!想知詳情,睇下文啦!

Google 正式發佈咗 Google Wallet 服務,呢個服務會取代現有嘅 Google Pay,但又加入一些新功能。而根據香港發出嘅新聞稿所講,講到明香港會推出 Google Wallet,以取代 Google Pay,並表示會在 Android 及 Wear OS 上助你統一存取重要的卡及證件,而且在 Google 地圖搜尋路線時,交通卡及其餘額將會自動顯示在地圖上,方便為交通卡增值!

重點是「交通卡」,雖然 Google 並沒有在新聞稿上指明是八達通,但我認為機會都相當大,以往八達通推出喺 Apple Pay / Samsung Pay / Huawei Pay,在此之前都係比較低調,可能需要一段時間嘅測試,確保唔會有錯漏,先至推出市場,所以估計八達通而家亦都着手緊加入 Google Wallet 呢件事,如果係咁,好大可能性第時就算係小米、OPPO、Sony,總之 Android 手機以及 WearOS 裝置,都有機會會可以用八達通搭車拍卡,呢個消息,網友會唔會期待呢?

og.jpeg
 

最新新聞