▲ HTC 今日 4/12 推出 Desire 700 Dual SIM。但在平霸紅米手機，在十二月推出下，你唔賣得平過一千蚊，都未必夠佢打。你問版主，Desire 700 是好機一部，不過，大家也想一分錢一分貨，性價比天下呀!
▲ HTC 剛剛換了香港及澳門地區總經理，中間的蘇軒熲先生，上任無耐，可能產品未算太 OK，先來加強客戶服務。
HTC 客服你知幾多
今天版主 Keith 出席了 Desire 700 雙卡雙待記者會，雙卡手機賣 $3298，有部紅米做比拼，怎樣也會比下去，再講什麼「雙通」、「HTC Zoe、 Highlight….」都似乎無乜用。但他們輕輕透露了 HTC 在十一月把他們的客戶服務增強，主要是以下圖中的服務，全部也是免費的 (保養期內)。
當中的手機使用講座，其實好多手機廠，甚至網絡商也有安排。免費手機維修速遞，即是你有手機壞了，係唔駛一定去客戶服務中心，HTC 會安排速遞員上門收機。這個服務，亦推出了很長的時間。其他服務卻是新的，版主跟 HTC 人員了解過。
One on One Training
版主成日都話 HTC 手機你要用過先 Feel 到好用，但亦因為咁，可能好多你唔理解，唔識用的地方。HTC 可以安排個別人員跟你單對單講解手機裡的功能，一步步教你用，教你玩。HTC 朋友跟我說，試過有位客人，花了兩小時請教如何用手機。Walk in 與 Call Back Reservation
而 Walk in 與 Call Back Reservation，其實係維修一條龍服務，只要你打去熱線約時間去 CS Center 維修手機，記得在電話先講手機有乜壞，HTC 有關人員會把有關詳情全部記下。當你去到 CS Center，唔駛再將問題再講一次，老實一句，真係幾好喎，時間就係金錢，一個問題，唔駛講再講幾百次啦。最後 On Site Service 就係你住得好遠，或者真係忙勁忙，HTC 係可以派專人上門，幫你教你玩，幫你做 Setting。HTC 朋友舉了一個很實際的例子，之前有客戶未能把手機與家的 Router 連接，HTC 可以安排人手，上門幫你攪。
版主問大家
版主不是一個有錢人，一樣想買性價比高的手機，而 HTC 手機賣得貴，似乎又係事實。這樣，貴價手機，配合這些獨有客服，大家點睇？仲有，我們不一定只讚不彈，若你對 HTC 客服有什麼投訴，也可以用 ePrice 會員或 Facebook 回應吧!