狙擊 Samsung 新 A7！HTC One X9 現身 呢個價你會買嗎？

近來有關 HTC 的消息都圍繞住可能於 5 月開賣的新旗艦 M10 。但係以香港來計， HTC 係 2016 年的第一擊其實唔係 M10 ，而係上年已經係大陸發佈，主打 5.5 吋大芒兼且放棄「三下爬」設計的 One X9 ！而且近日已經有實機係香港現身，發佈日期以及賣價等消息都有眉目了，一齊來睇睇！


 

5.5 吋芒 3GB RAM！HTC One X9 勝在有 BoomSound 無三下爬？

雖然話大芒機較多人喜愛，但係 HTC One X9 係發佈之後，網友期待度之所以一直高企，原因應該唔止咁簡單！係外型上， One X9 取左沿用一體成形的金屬機身，更重要係機面設計上，保留了 BoomSound 立體聲雙喇叭之餘，亦都將「三天皇鍵」變成熱感式按鍵，令外觀同以往被批評有三下爬設計的 HTC 手機有明顯分別，外型有新鮮感自然都多左人留意啦！今日 HTC 就首次係香港展示左用上港版 HTC Sense 的 One X9 ，同之前係大陸發佈時候相比，港版主要的不同係會用上 Android 6.0 ，再同大家重溫下 HTC One X9 規格先。


▲ 同 One A9 一樣，將到來的 One X9 都會用上 Android 6.0。



▲可惜今次版主都只能隔住個玻璃箱，拎唔到上手試呢！

係規格方面，之前 One X9 在大陸初次亮相時都同大家提過，支援中港 3G/4G 兼有雙卡雙待，有 5.5 吋 FHD 解像度屏幕，處理器就係 MTK 的 Helio X10 2.2GHz 八核配 3GB RAM 以及 32GB 或 64GB 內置容量（最大支援 2TB SD 卡）。相機方面有支援 OIS 光學防手震， f/2.0 光圈的 1300 萬像素主鏡頭以及 500 萬像素前鏡。電池都有 3000mAh 。硬件其實唔算特別吸引，但係同 1 月在香港開賣，主打旗艦級外型的 Samsung Galaxy A7(2016) ，規格定位都頗為相似，看來會有一番惡鬥呢！

最後，係開賣日期同細節方面，雖然而家未有確切消息，但我哋都可以參考一下台灣情況。據 ePrice 台灣站收到的資料， One X9 會係 3 月開賣，而且有齊 32GB 以及 64GB 兩個內置容量不同的版本，而且會好似 One A9 咁樣，有銀／灰／粉紅／金四隻顏色。價錢方面，而家 One X9 32GB 版係大陸賣緊 2399 人仔，可以預計香港開賣時價錢大約會係 $2842 左右，而 64GB 版根據消息就會係大約 $2700-$3480 呢個價位。唔知大家又覺得 One X9 賣呢個價又掂唔掂呢？一齊分享下意見啦！


▲雖然話 One X9 有機會出四隻色，但大家都明 HTC 一般會先出銀、灰二色吧？

在文章發佈時， HTC One X9 在港開賣日期未定，按此看手機詳細規格及最新賣價。