貨量充足標準+高配版任買!紅米 Note 3 會是上半年性價比之皇嗎?
話說紅米 Note 3 係正式開賣之後,不知係真係支持者反應熱烈還是官方重拖故技,不斷有貨量不足的消息傳出,先係旺角小米之家需要限量供應 紅米Note 3 高配版現貨。期後同樣有得賣紅米 Note 3 的 csl 都一度傳出沒有現貨供應。好在,而家係小米香港官網,不論係高配版還是標準版,都可以買得到。其實以規格( 5.5 吋芒、 Qualcomm S650 3GB RAM 、 1600 萬像素鏡頭)再加上 $1499 呢個定價,紅米 Note 3 實在無乜可以挑剔。如果以今年推出的手機來計,可以留意的會係魅族即將發佈的魅藍 Note 3 ,不過幾時會到香港都係一個問題呢!
▲紅米 note 3 目前係小米官網有足夠現貨可以買到,也不用「輪米」。
HTC Desire 530 對比 LG K10,邊部更抵玩?
除左紅米 Note 3 之外,上星期另一部千元機就係由 HTC 推出,雖然規格上難以同紅米 Note 3 相比。只係得 5 吋 720p 屏幕、 Qualcomm Snapdragon 210 四核心處理器,內置 1.5GB RAM 以及 16GB ROM(支持最高 2TB 的 microSD 卡)同埋 800 萬像素主鏡頭,電池容量就係 2200mAh。大廠手機一向好難同大陸牌子直接比較,所以 Desire 530 潛在對手明顯就係 LG 的 K10 。係規格上前者其實比較輸蝕,而且定價方面兩者都係 $1698 ,係大鋪 Desire 530 只係少減 $100 ,也難以同減左兩百的 LG K10 相比。但係價錢上 Desire 530 又係咪全無優勢呢?又未必,因為 csl 而家做緊 Desire 530 淨機價都只係 $1288,比起 LG K10 便宜。當然,如果再睇返規格, Desire 530 能否滿足大家的要求,看來又係另一回事了。
最後,提到 HTC ,可以留意下,現時大鋪仍然有不少舊代中階/入門機賣緊,係價錢同規格上都係差不多。好似係 Desire 820s 而家係衛訊仍然有賣,價錢都係 $1698 。而更令人估唔到係,版主係上年曾經提過,規格相當入門,勝在支援 Boomsound 的 Desire 610 ,係中原仍然有賣,價錢係 $999 ,成為左大廠少有的「百元機」。
▲ 一張圖可以見到兩部大廠千元新機, Desire 530 同 K10 ,可以見到 Desire 530 係大鋪價錢其實係比較貴。
▲不過, csl 就公佈 Desire 530 淨機價只係 $1288 ,仲有多條迪士尼電話頸繩送。
▲ 想唔到,上年版主都提過的 Desire 610 仍然有得賣之餘,價錢仲減到落 $999 ,但以年紀來講都算係古董機了⋯⋯
在文章發佈時,紅米 Note 3 (2GB + 16GB) 定價為 $1299,按這裡有詳細規格及最新賣價。
在文章發佈時,紅米 Note 3 (3GB + 32GB) 定價為 $1499,按這裡有詳細規格及最新賣價。
在文章發佈時,HTC Desire 530 大鋪賣價為 $1598,按這裡有詳細規格及最新賣價。
在文章發佈時,LG K10 大鋪賣價為 $1498 ,按這裡有詳細規格及最新賣價。
在文章發佈時,HTC Desire 610 大鋪賣價為 $999,按這裡有詳細規格及最新賣價。