主題:跑分說事實! 賣外型 HTC One S $4698 上市

ePrice HK
  • 發表時間:2012-06-09 09:34 收錄檢舉
    HTC One 系列最後一擊: HTC One S 今天 (8/6) 在香港推出了,賣 $4698。根據 HTC 說,主要有三大賣點,首兩個是耳熟能詳,包括是至靚聲的 Beats Audio 音效及至 Amazing 的相機效能。而第三個是其外型: 7.8mm 薄機身, 配合獨有機身物料,你又 Buy 唔 Buy 呢?

    跑分說事實! 賣外型 HTC One S $4698 上市-0
    ▲ HTC One S 在風波下上市,賣 $4698

    One S 賣外型
    HTC One 系列四機,定位不同,頂級 One X 是四核心型號,賣的是性能;One XL 有齊 X 的功能及相同解像度的大芒,更加入了 4G LTE  支援,而 V 中檔機霸。這部 S 就係賣美型。HTC One S 的機殼是黑陶瓷金屬表面(Black Ceramic Metal),採用微弧氧化陽極處理(MAO)技術,據知比一般鋁合金硬四倍。手感呢? 版主覺得很不錯呢,比起 One X、XL 多了一份熟悉但很良好的金屬觸感。 One X 有黑色及銀灰兩色,雖說黑色有點 Out,但看上去是比較成熟。One S 另一個賣點是夠薄,7.8mm 機身,比起 Galaxy S III 及同廠的 One X 仲要薄少許!

    跑分說事實! 賣外型 HTC One S $4698 上市-1
    ▲ One S 屏幕是 4.3 吋,qHD 540 x 960 解像度

    跑分說事實! 賣外型 HTC One S $4698 上市-2
    ▲ 黑色的機背
    跑分說事實! 賣外型 HTC One S $4698 上市-3
    ▲ HTC One S 提供兩款顏色選擇

    跑分說事實! 賣外型 HTC One S $4698 上市-4

    ▲ 版主比較喜愛黑色的款式

    跑分說事實! 賣外型 HTC One S $4698 上市-5
    ▲ 跟  HTC One X (左) 比較, One S (右)是細一個碼

    跑分說事實! 賣外型 HTC One S $4698 上市-6
    ▲  雖然 One S 比較薄,但跟 One X (上) 比較又唔係差好遠, 因為都係薄 1mm 左右

    跑分說事實! 賣外型 HTC One S $4698 上市-7
    ▲ 跟 One X 的機背比較

    跑分說事實! 賣外型 HTC One S $4698 上市-8
    ▲ USB 埠位在左側

    跑分說事實! 賣外型 HTC One S $4698 上市-9
    ▲ 右面有音量鍵跑分說事實! 賣外型 HTC One S $4698 上市-10
    ▲ 耳筒位及開關掣也在機頂

    跑分說事實! 賣外型 HTC One S $4698 上市-11
    ▲  要換 SIM 要這樣做,用microSIM 也不能換電池

    跑分說事實! 賣外型 HTC One S $4698 上市-12
    ▲ 跟港幣五豪子對比,7.8mm 就係咁薄

    音樂、相機 與 One X 同 Grade
    HTC One Series 四部全款高低檔,相機 (不計像素) 與音樂效能都是一樣。One S 跟 X 與 XL  相機像素同級,有八百萬像素,f/2.0 大光圏鏡頭,支援高動態範圍光源 (HDR) 模式,擁有獨立 ImageSense 影像晶片,相機的啟動時間只有 0.7 秒,再加上全新的 0.2 秒超高速自動對焦速度及高清短片邊錄邊 Capture 短片,除了 One X,XL,推出之時,只有 Galaxy S III 做得到。當然不少得 Beats Audio 音效,但跟機一樣沒有送 Beats 耳機,有點可惜。

    跑分說事實! 賣外型 HTC One S $4698 上市-13
    ▲ 把 One X (左) 及 One S (右) 的光度也調教至一半,One S 是比較光亮,白底更白。注意是,One S 不是使用 SLCD 屏幕,而係 AMOLED。

    跑分說事實! 賣外型 HTC One S $4698 上市-14


    跑分說事實! 賣外型 HTC One S $4698 上市-15
    ▲ 上圖是 One S 下圖是 One X,可見 AMOLED 屏幕的 One S 的顏色比較豐富、鮮豔

    轉 U 的問題
    香港版的 HTC One S 跟全亞洲一樣,是有點改變的 Villec2。這個轉變,主要是由 Qualcomm S4 系列的 MSM8260A CPU,改為 S3 系列的 MSM8260,但速度改為 1.7GHz CPU,S4 變 S3 代表 CPU 型號需要相約,但選用的技術比較落後,有評論這令手機的性能減低。為何 HTC 這樣做?HTC 香港也只能提供官方答案,就是雙核心 1.7GHz CPU 一樣可以帶給用家流暢的感受。但真正原因呢? HTC 官方沒有說出來,但版主跟業內人士打聽,相信是因為 Qualcomm S4 系列處理器產量不足的問題。業內人士說,觀察 HTC 出貨,他們應該是把 S4 系列處理器, 讓給了 4G LTE 手機型號及用上 S4 處理器會係最好選擇的地方,如日本版的 CDMA / WCDMA /GSM 三模的  J 或 美國 AT&T 4G LTE 版的 One X。而亞洲地區,包括香港及新加坡,己有四核心處理器的 One X 及 4G LTE 版本, 使用了 S4 處理的的 XL,所以, HTC 先在亞洲地區這裡開刀改 U。網友又點睇? 雖然 CPU 的轉變,帶來爭議,但其實一樣做到 1080p 短片解碼,多媒體玩意,其實沒有大問題。 ePrice 以下給你完整 Benchmark 跑分分數,也會列出相近類型手機得分相比,轉了 U 是否有很大影響,大家可以自已作出判斷了。


    跑分說事實! 賣外型 HTC One S $4698 上市-16
    ▲ 打開工作管理員,把全部 Task 都 Kill 了,可見若有 358MB RAM 行不同程式

    跑分說事實! 賣外型 HTC One S $4698 上市-17
    ▲ 用來測試 CPU 處理器效能的 Quadrant Standard,分數為 3816,比四核 One X 差一點、比雙核的 Galaxy Nexus 好。找回 ePrice 文章記錄,同樣採用 Qualcomm 雙核心的 Sony Xperia S 為 3114、三星自家雙核心 CPU 的 Samsung Galaxy S II 為 3625。由這些分數對比可見,雙核心處理器的 Android 手機,跑分其很不錯。注意使用 Qualcomm S4 雙核心 CPU 的 One XL,分數為 5062,表示若果行 S4,在 Quadrant 標準下,跑分成績會好一點,但事實上,現時 S3 系列的 One S 也好過主流的雙核心手機了。

    跑分說事實! 賣外型 HTC One S $4698 上市-18
    ▲ 型號名為 Villec2,代表 CPU 變了種

    跑分說事實! 賣外型 HTC One S $4698 上市-19
    ▲ 另一個用來測試手機全面性能的 AnTuTu 分數為 7064

    跑分說事實! 賣外型 HTC One S $4698 上市-20
    ▲ 在 AnTuTu 的比較圖表, 其實 One S 己是第二位。相比用 S4 CPU 的 One XL ,分數為 6888、Xperia S 為 6678,Galaxy SII,本網沒有記錄,但網上找來最誇張的分數約為 576x 左右,可見在 AnTuTu 這個以手機全面性能作指標的 Benchmark,One S 表演,一點都不差! 

    跑分說事實! 賣外型 HTC One S $4698 上市-21
    ▲ 用來測試簡單遊戲效能的 Nena Mark 1 分數為 60.1fps 玩 Angry Birds 等熱門遊戲, 無問題。

    跑分說事實! 賣外型 HTC One S $4698 上市-22
    ▲ 要打高品質遊戲,Nenamark 2 告訴你 One S 分收為 49.8fps,也是合格以上。

    跑分說事實! 賣外型 HTC One S $4698 上市-23




    跑分說事實! 賣外型 HTC One S $4698 上市-24
    ▲  用來測試瀏覽器效能,上網睇網站順暢與否的 Vellamo,分數為 1752,在比較表中,看出比 One X 還好。表示用 HTC One S 的內置瀏覽器上網睇網站,順暢度其實好高。

    小結: 實際效能不差 只是失了期望
    版主是 HTC One XL 的用家 (選用 Qualcomm S4 CPU)
    ,也深知 S4 處理器,在日常運作可以比四核心的 Tegra 3 更好,網友渴望 One S 也使用 S4 CPU,也可以理解,但實際由多個 Benchmark 分數指出,One S 效能其實也是上乘之作。老實,版主只係小測 One S,係咪像 One X 有些很怪的 Bug 會影響使用, 係咪跑分跟用上來有不同,我不知道,但若果單以跑分作結,One S 這個亞洲版本,某部份係比 S4 差的,但是否差到不理喻? 網友可以想一想!至於是否 Overprice,就要你怎樣對待雙核心手機,One S 一定不能用抵買來形容,如 Galaxy SII 現在四千有找,跟 One S 有很大價格落差,但始終是上一代,相機效能,音效己沒法跟 One Series 比較。大家又認為如何呢? 歡迎發表意見。
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2012-06-09 22:29 檢舉
    行咁高頻,benchmark梗係唔會點衰得去邊啦......
    最大問題係高熱量會令電池容量下降嘅影響(尤其one s內置電係冇得換),同埋舊制程下行高頻嘅續航力
    更厚身的htc sensation,用s3@1.2ghz都已經燙手,更薄身的one s,同一粒u行1.7ghz會如何???唔係同我講,話htc成功突破物理限制,45nm s3 發熱量同28nm s4 發熱量一樣掛

    htc仲好意思咁厚面皮,賣外國個價,一個仙都唔減,$4698賣一年前嘅硬件(清倉果隻),冇sd卡,唔襟擺嘅電池.....抵你比人壓住冇發圍
    此文章已於 2012-06-09 22:35 重新編輯
    02樓 ▲TOP 回列表頁
  • 發表時間:2012-06-09 23:29 檢舉
    之前 XE & Flyer 又係靠 OC…
    03樓 ▲TOP 回列表頁
  • 發表時間:2012-06-10 05:04 檢舉
    其實拎歷史出嚟講, 自己有冇用過呢?!!
    Sensation, Sensation XE我都有用過
    遇熱燙手問題我認同你講法...
    不過有啲唔認同嘅係部One S雖然都會熱
    但我可以好肯定咁講未至於去到好似Sensation咁嚴重,
    另外我仲想講電量問題, 電量雖然比XE少, 但備用時間俾XE長,
    我用法係每日都會玩game聽歌上網whatsapp影相拍片個mon掃嚟掃去等等...

    你可以當我係打手, 亦無意冒犯
    只不過我只係想講用家嘅感受
    另外我認同你另一個講法嘅係點解賣$4698?
    因為AMOLED?! 如果係咁我寧願出返SLCD2
    但用HD解像度同內儲32GB算喇!!!
    我不嬲覺得LCD係靚過LED!!!!
    此文章已於 2012-06-10 05:13 重新編輯
    04樓 ▲TOP 回列表頁
  • 發表時間:2012-06-10 08:53 檢舉
    我撰文時, 是沒有先睇台灣那個流動數字站的評測,   因為我不想被影響,  但大約都知, 因為那個評測, 大家說得 One S 亞洲版很差. 

    版主最後也看了.  那個實測很詳細,  的確, 根據那個測試,  GPU 方面, 跟現在 One S 亞洲版是有一定距離, 是真的. 這最大形像是若用家想在 One S 玩 graphic heavy 的遊戲,  但這個差, 也是相對 One S 歐洲版本而已.  但電量及其他 Benchmark 尤其我們用開的 Quadrant Standard 及 AnTuTu,  One S 亞洲版是比較差, 但其實差距只很好細, 幾個巴仙.

    而事實上, 以分論分, 亞洲版 One S 表現不是差, 亦相對其他雙核手機好, 我認為這個結論沒有錯

    Overpriced 這個問題, 就等大家認唔認為 One Series 相機, 音效, One S 設計及用料, 值唔值推到這個價.

    Qualcomm S3 的 CPU 是支援 4G LTE 版本,  香港推出 SII LTE, Optimus LTE 及HTC velocity 也是, 但香港推出 LTE 比較美國, 韓國都遲一些, 這些機係上年的, 今年的 4G LTE 也會用上 S4 版本 的LTE chipset,

    S3 的 4G LTE 方案,  版主近期用 4G LTE 手機比較多, S3 CPU 的 4G LTE 手機電量不足問題,比其他 3G Android 手機也嚴重,. 而 S4 的 One XL 電量上是比其他都好, 甚至 HTC 內部報告 (版主在之前美國之行睇過的)  S4 CPU  的 One XL 在 3G 環境下, 會比 Tegra 3 的 One X 更省電, 而我在香港使用的感覺也是如此.  若果 S4 CPU 出現產量問題, HTC 安排 S4 版本 CPU 去 4G 及日本市場, 這也無可口非, 尤其美國及日本市場重要性, 不比亞洲低的.  亞洲區 (至少香港及新加坡)  大家也有 S4 的選擇.

    若你認為我專登為 HTC 作籍口,我沒辦法, 只係給大家多一個角度去理解這幾件事

    事實上, 若果大家認為這部機, 不值得, 用行動去實踐就最簡單,  認為 HTC 這做法不好, 不買, 走去支持其他機就好了.

    多謝支持 ePrice.HK
    05樓 ▲TOP 回列表頁
  • 發表時間:2012-06-11 17:41 檢舉
     講真啦
    4600呢個價位,cp值好似真係低左d.....
    如果比得起4千六百蚊
    我唔介意加多一千換one x  (正常邏輯
    樣就差唔多, , 都係800萬
    你話要薄,大可以簡One S....不過8.7mm同7.8mm之間的分別
    你唔將兩部機攞出尼比較,我都唔知啦-.-
    特別手感...........
    希望4300就好
    s3處理器ma.....
    06樓 ▲TOP 回列表頁
  • 發表時間:2012-06-13 03:51 檢舉
    對一般用家其實影響唔大,分別主要在於用電…
    但對我地玩家來說, 粒U 本身 已超…一來唔 cum 用…
    二來 長遠計無得再超上去…係唔抵用…

    so 同價位 可能 對家 Xperia S/ Ion 抵啲…(我覺得…反正又係同一粒U…
    07樓 ▲TOP 回列表頁