ZenFone 5 升級 2GB RAM 版本定價 $1,199/ $1,299 ！會唔會再「被下架」？
版主之前都同大家透露過，賣價 $1,099 既 1GB 版 Zenfone 5 唔會再賣，轉為推出 2GB 版本既 Zenfone 5 ，定價方面和之前打聽回來的消息一樣， 8GB 版賣 $1,199 ，而 16GB 版本賣 $1,299 ，比起「升級版」的紅米 1s 稍稍貴一點，規格方面它採用了 5 吋的 720 x 1280 解像度 IPS 屏幕、 Intel Z2560 1.6GHz 雙核心處理器配 2GB RAM ，拍攝方面採用了 800 萬像素主鏡頭和 200 萬像素前鏡頭，電池量有 2110mAh 可是不能換電。今次 ASUS 應該同零售商傾好，唔會用「貴定價，平賣價」既方式賣機，而除左衛訊之外，豐澤、 Ask Super Outlet 、DC One 等大大小小既鋪頭都有代理，不過好可惜仍然都係未有百老匯同埋蘇寧，有咁多地方有得賣，應該唔會好似上次咁光速「被下架」吧。另外新聞稿冇提到電訊商有得賣，未知會唔會有上台 Plan 可以配合啦。順帶一提，上次既 Zenfone 系統 Facebook 問題就已經解決，不過現有用戶就要用 OTA 更新左先，用緊 Zenfone 既網友就要留意啦！（問過相關人員，要開 Wi-Fi 先收到最新更新）
心急既網友應該想知道上市日期呢？升級版 Zenfone 5 將會係 7 月 2 號正式上市，會有黑、白、紅三色正如上面所講到時大鋪同埋街鋪，或者會有平價入手方法去打紅米 1s ？版主會幫大家留意下的，網友又認為呢部規格唔錯既進階版 Zenfone 5 值唔值得入手呢？留言講講意見吧！
▲呢部行 Intel CPU 既 Zenfone 5 會唔會好過紅米 1s ？有興趣既網友可以參考番之前既評測。
在文章發佈的時侯， Zenfone 5 （高階版）8GB 定價 $1,199 ，按此看詳細規格跟最新賣價。
在文章發佈的時侯， Zenfone 5 （高階版） 16GB 定價 $1,299 ，按此看詳細規格跟最新賣價。