魅族 MX5 登場, Zenfone 2 128GB 版細鋪應聲減!
如果提到 5.5 吋高性價比手機的話, Zenfone 2 可能係不少朋友第一時間諗起的。儘管係軟件上 Zenfone 2 仍然有唔少不足之處需要改善,但係在 4GB RAM 的加持下 Zenfone 2 性價比有很多朋友都讚好。剛剛正式開賣的 MX5 係定價上同 Zenfone 2 64GB 版定價相近(差一百),在規格方面基本上都係不錯的,有 5.5 吋 FHD Super AMOLED 屏幕, MTK Helio X10 2.2GHz 八核配 3GB RAM 以及 32GB 內置容量。相機就係有激光對焦 2070 萬像素配 500 萬像素前鏡頭,電池則有 3150mAh 。比較可惜的是 MX5 除左唔支援插卡之外,係香港 4G 頻段支援 1800 ,跟 m1 note 一樣。返去正題, Zenfone 2 原來係深水場鴨寮街有細鋪就入左最遲推出,而同時定價都係最貴的 128GB 版 Zenfone 2 。呢部定價 $2999 的大容量版 Zenfone 2 之前只係在 Asus Store 同衛訊有賣,但而家就有不少細鋪入左了。係價錢上細鋪價錢只係要 $2699(版主問過得到的回覆係行貨來)。點解平得過三百蚊就形容係大跌價呢?主要因為 Zenfone 2 同其他之前 Asus 出品的手機都唔同, Zenfone 2 一直以來都算係幾好賣,所以價錢一直都企得好硬,即使係減都唔會多,好似電腦節果陣都只係減左兩百咁,所以跌到三百以 Zenfone 2 來講算係減左不少了。
▲ 係年頭的時候 Zenfone 2 風頭一時無兩,半年過去係對手多左不少的情況下大家仲 buy 唔 buy 呢?
OnePlus 2 水貨價不跌反升!原因係乜?
係二千元價位高性價比手機來講,提左 Zenfone 2 又點可以不提一下 OnePlus2 呢?不過今次就唔係講佢再跌價,反而係水貨賣價無啦啦升返!當 OnePlus 2 水貨初到港的時候版主都有同大家提過, 64GB 內置容量的高階版本價錢都要 $3480 ,比起官方定價貴五百左右。但之後 OnePlus 2 水貨價一直回落,一度跌到落得返 $3080 的水平,即係同行貨價相距唔到一百!不過,近日版主再睇返時就發現目前 OnePlus 2 64GB 版水貨價普遍上返 $3280 。版主試過問當中原因,據聞係大陸 OnePlus 2 反應其實好一般,所以一開始價錢都跌得快,但係國內反應一般的同時外國需求卻係相當大。而係外國而家都仍然要邀請碼同時大陸版 OnePlus 2 可以輕鬆刷成 Oxygen OS 的情況下,大陸 OnePlus2 價錢又被炒返起了。▲ OnePlus 2 係大陸貨源被大手搶走的情況下忽然短缺起來,價錢都自然炒返起了。
最後,提提大家係 5.5 吋高性價比手機來講, Asus 的 Zenfone Selife 都即將登場,呢部機除左有雙千三萬像素鏡頭之外仲改用左 Qualcomm S615 配 3GB RAM ,大家要留意啦
在文章發佈的時候, Zenfone 2 128GB 版本定價為 $2999 ,按此看詳細規格及最新賣價。
在文章發佈的時候, OnePlus 2 64GB 版本定價為 $2999 ,按此看詳細規格及最新賣價。