ASUS ROG Phone 7 又再有新低價
近期成日見有減價嘅，多數都係 csl eShop 網店，其實對上一次，即係 9 月 25 嗰陣，我都係分享 csl eShop 網店將 ROG Phone 7 減價嘅消息，估唔到過咗一星期，又再見新低價！雖然無咗上次話 9 月 30 日或之前買機送專用手機殼 + 原廠保護貼嗰個優惠，但其實而家買機都依然有保護貼送，無咗「原廠」兩隻字，但 csl 送得應該都唔會太差。最重要係機價確實有減，12GB + 256GB 版本最新賣價為 $6298，相比原價即係減咗 $1700；而 16GB + 512GB 版本則賣 $7598，相比原價減咗 $1400。睇返大舖賣價，兩個版本分別賣緊 $6498 同埋 $7798，但就繼續有送芒貼同埋保護殼，想去邊度買，就自己取捨了。按這裡有購買傳送門
ASUS ROG Phone 7 硬件規格
規格方面，ROG Phone 7 具有 6.78 吋屏幕，支持 165Hz 屏幕刷新率，亮度相比上代提高 50%，配備 Qualcomm Snapdragon 8 Gen 2 處理器，電池容量為 6000mAh，並支持 65W PD3.0 快速充電以及 QC5.0。相機部分，ROG Phone 7 用上 5000 萬像素廣角 + 1300 萬像素超廣角 + 800 萬像素微距鏡頭，前置鏡頭則為 3200 萬像素。按這裡有 ASUS ROG Phone 7 詳細規格及最新賣價
最後，市場上 S8 Gen 2 嘅手機都有唔少選擇，大家可以按呢度或按下圖進入 ePrice 手機比拼系統，比較唔同 S8 Gen 2 手機嘅詳細硬件規格，同時你亦可以自行加入你想比較嘅手機。
