iPhone 全線減 $390！ 9 折唔到你買唔買？
大家最關注的應該是 iPhone 有冇得減，又減幾多啦！今次 Apple 終於將新出的 iPhone 5s 同埋 iPhone 5c 列入減價貨品，當然舊兩代的 iPhone 4s 亦有減價。無論 GB 數如何，全線統一減 $390 ，換番到折扣的話都唔到 9 折，減幅唔算多！但要知道 iPhone 系列的價錢在大鋪只有貴沒有平，除非你想去幫襯先達啦，如果唔係想入手都趁呢日去慳番幾百！
▲ iPhone 系列全線減 $390 ，最高都不到九折，算是小小的佛心價格
ePrice 手機資料庫：
iPhone 5s 詳細規格和評測iPhone 5c 詳細規格和評測
iPhone 4s 詳細規格和評測
iPad 系列全線有得減！又係唔到九折
相對於「一視同仁」的 iPhone 、 iPad 每一個型號的減幅都不一樣，但版主就計過冇一款型號做到九折。我認為如果想入手 128GB iPad Air/ iPad Mini with Retina Display 的網友可以趁這次減價省下 ＄550 ／ ＄470 ，已經係唔錯的價錢啦，以價錢好穩的 Apple 產品黎講過一年先達都未必有呢個價（當然不是指二手），想入手都可以把握機會。
▲ iPad 的減幅由 $150 至 $230 不等，最便宜的 iPad Mini 減唔到 $2,000 樓下
MacBook 系列一視同仁減 $770 ！MBA 平教育商店少少
版主睇過 Mac 系列的減價，因為是一視同仁減 $770 ，所以定價較平的 Macbook Air 系列會平過教育商店少少； 21 吋低配置的 iMac 都平教育商店幾百，但係版主想入手的 Mac Mini 就分毫不減
，換句話說如果係想買 Macbook Air 的話是值得趁這個時侯入手，如果想買 Macbook Pro 系列都係問下身邊有冇大專朋友有折扣啦！
▲Macbook 方面減幅都是固定的 $770 ，所以愈低階的折扣比率就愈高
iPod ／配件睇個人需要，減幅不算大
上面三樣重點產品減價，就已經是今年新春優惠的重頭戲啦，因為 iPod/ 配件的減價不是很吸引，除非大量入貨，唔係都唔係慳得太多，尤其係 iPad 保護套/ Gadget ，多行電腦商場就會發現減完都未必夠細鋪抵，如果真係好想買就衝啦～
▲ iPod 都有減，但係 $80 算什麼……
▲ Apple 配件統一減 $40，有冇網友會去衝一條 Lightning 線呢？
▲大家可以留意唔係每一樣配件都減價，版主想要的 Lightning 轉 SD 卡就冇減到！
▲第三方的 Apple 配件減 $100 ~ $300 左右，不過多行場就會發現同電腦商場的價位差不多
▲健康產品都有減價，較為值得買的是哪一樣呢？
▲B&W 的喇叭減幅夠多了吧，足足減左 $700 ，你又衝唔衝？
▲第三方的音樂配件，同樣減幅不大
網友衝唔衝？齊齊分享買機心得
唔知見到上面的 Apple 優惠，有冇一兩樣令你心動呢？要知道 Apple 真係一年先減一次價（唔計學生買 Macbook 優惠啦當然），幾百蚊都做到好多野架啦，絕對有衝的潛力。定係大家覺得減價太少，冇必要係呢個年關時侯使錢呢？分享一下意見吧！iPhone、iPad 用家，立即 Click 入安裝手機／平板 Apple Online Store 訂購