要點一：AOS 訂機 真金白銀付錢等送貨
今日 12/9 下午三點零一分， 香港蘋果官網 Apple Online Store (AOS) 正式作頭輪 iPhone 6S 與 6S Plus 頂訂。係 Apple Online Store 訂機，係真金白銀，先用信用卡俾錢，即係是真真正正買機 (淨機，不上台嗰隻)！所以你入貨時，真係要考慮清楚。要點二：AOS 訂機，不等於開賣日 25/9 有機
AOS 第一輪訂購，其實係 Apple 讓用家可以安坐家中等收貨，唔駛去 Apple 實體專門店同人迫，但唔代表佢地會 25/9 送貨俾你，而且人數眾多，送貨都要時間，照以往經驗，有會十月初才派到貨嘅情況。對於要即時嘗新，或把握時機，即買即放嘅網友來說，其實不太適合 AOS 訂機。另外，AOS 訂機佢只係即時 Hold 起你嘅信用卡 Credit，之後會寄上確認 Email 去你的 Apple ID 登記電郵地址。這時，你亦可以進入的 Apple ID 戶口，查看配貨情況，若未配貨，你仲可以 Cut 單。步驟一：預備一張最多優惠嘅信用卡
係蘋果官網買 iPhone，最快確定付款方法，就是使用信用卡。而香港不少人其實一身有幾卡，而新 iPhone 定價都接近六千元，用家不妨睇睇，這個金額的消費，在個別信用卡有沒有特別回贈，令你買 iPhone 個陣更加超值，所以在搶 iPhone 之前，不妨先查詢信用卡優惠資料。提一提，Apple 只支援 VISA、Mastercard 與 AE 卡，不要多手預備銀聯卡作挑戰。步驟二：先預備好你的 Apple ID
係蘋果官網買嘢，都要申請一個 Apple ID 先 OK，若果你係初玩家，預先申請是好需要，到時先開始註冊，就乜都慢過人。若果你已沒有多用 Apple ID 或查閱戶口，也請你立即檢查一次，尤其係當中嘅信用卡資料，睇下有無 Outdated，有就立即更新。立即按此進入 Apple ID 資料頁，更新資料
步驟三：預備好你的 Safari 瀏覽器
對，無論你平時用開 IE、Chrome 或是 Firefox，我們建議你用 Safari 瀏覽器去完成訂購。Apple 的網站，永遠只會對 Safari 作兼容，為防出事，你還是快快用 Safari 比較好。Mac 用家出機已有 Safari，可結 Appstore 看看是否要更新版本
步驟四：iPhone / iPad 用家，不如用 App
其實，除了有電腦網頁版 Apple Online Store (AOS)，Apple 自家都寫了隻 Apple Store 嘅 App 俾 iPad 與 iPhone。多次產品開賣及資料發佈，都係 App 版 Apple Store 運作都比網頁版 AOS 快同準，所以，若果你已經係果粉，不妨用 App立即按此下載 Apple Store App
步驟五： Bookmark 直連網址
記得版主分享過，AOS 裡面不同顏色與容量嘅 iPhone 6S 與 iPhone 6S Plus 嘅直接網址嗎？記得把你心儀版本 Bookmark，方便一按即入。立即按此進入 iPhone 6S 與 6 Plus AOS 直接網址
步驟六： 提早進入 F5 是皇道
根據 Apple 嘅指示 AOS 會係 12/9 下午 3:01 分開放。不過，我地還是覺得你最好依家進入先處理好 Apple ID 的事。記得先 Login 不要 Logout。因為在開賣之前幾小時，AOS 隨時先關閉作預備。我們建議你在 2:50pm 左右，就開始遊戲，看看重開 AOS 沒有，然後就用步驟五 Bookmark 大法，不停 Refresh 你想愛型號嘅網站。重新載入是「 Function 鍵 + 5」即是坊間說的 F5。用 Mac 電腦重新載入網頁是 「Command 鍵 + R」。按這裡有齊 iPhone 6S 嘅文章與搶機資訊