Jet Black 刮花咁樣樣 iPhone 7 買家後悔了嗎？

虎仔 / 馬日山 2016-09-16 09:15 | Apple

iPhone 7 和 iPhone 7 Plus 今日正式開賣，美國方面已經一早講明，由於鋼琴面 Jet Black 網上預購反應出乎意料地好，Apple Store 門市今日無貨賣，不少漏夜排隊想買機的果粉已經鬧到拆天。不過究竟搶唔到 Jet Black 係咪壞事？不妨睇埋刮花之後個樣再作決定。

越南網站 tinhte 搵咗兩部今年才推出的 Black 和 Jet Black 新色 iPhone 7 和 iPhone 7 Plus 進行簡單的刮花實驗，實驗並非要睇下 iPhone 有幾耐磨，而係讓網友見識刮花之後會留有什麼痕跡和效果。為免網友話唔公平，甚至質疑版主虎仔幫手撳低收機價錢，版主決定唔講太多，留待網友自己評論。