連 iPhone 都大劈價？iPhone X 行貨價劈 $1600，迎接新 iPhone？

左定坤 (Cho Ting Kwan) 2018-09-08 18:18 | Apple

13 / 9 凌晨 1 點，就係一年一度手機界的盛事 —— iPhone 發佈會，無錯，新 iPhone 又要來了！係咪值得期待呢？對於用開 iPhone 的網友來說，應該係會積極考慮換機，如果傳聞所言屬實，新 iPhone 好有可能會用上雙 SIM，對於 Apple 嚟講，又真係一項「新科技」喎。至於用開 Android 手機的網友，呢項功能則是見怪不怪，Android 手機有咗十世啦～不過，多咗雙卡，又真係會方便好多，而面對新 iPhone 逼近，現有 iPhone X 出現大劈價，行貨價減成 $1600，你又會即敗抑或等新機呢？



經過旺角先達，發現而家 iPhone X 全新行貨價，都跌得好勁。版主去咗一間相熟店舖問過，而家 64GB 行貨價已經落到 $7180 呢個價位，相比建議零售價的 $8588，平咗 $1400 左右；至於 256GB 的行貨價，亦都減到去 $8380 呢個價，相比建議零售價的 $9888，劈價劈成 $1600 之多。

(原本版主以為係水貨價，問真啲原來係行貨嚟，諗返起以前，iPhone 有幾何劈價劈咁多？可見其實而家 iPhone 吸引力，真係愈來愈大不如前)

呢個價買 iPhone X，你覺得貴唔貴呢？你又會等新機，抑或考慮平平地買返舊機算？留言講下啦！



查詢：先達地下滙達電訊（23904773）