主題:唔係話下架咩?舊代 iPhone X 大舖照賣,劈價求清貨!

ePrice HK
  • 發表時間:2018-09-11 14:05 收錄檢舉
    話說昨晚版主就冒着爆肛危機,通宵達旦同大家一齊睇直播,分享了不少關於 iPhone XS、iPhone XS Max 以及 iPhone XR 的消息,同時亦都確認了 iPhone 6s、iPhone SE 以及十周年的 iPhone X,正式在 Apple 官網下架。而新機出,舊機減,確實是常識,所以版主亦都講俾大家知,現有 iPhone 7 / iPhone 8 系列新價係幾多。不過,版主行場時發現,大舖原來依然有賣 iPhone X,而且仲要劈價求清貨添喎!今次唔係先達價,網友又會敗不?

    唔係話下架咩?舊代 iPhone X 大舖照賣,劈價求清貨!

    睇完版主昨晚的文章都知道,新 iPhone 賣價真心好鬼貴,iPhone XS 最貴果部都要 $11599,而 iPhone XS Max 淨係講中間 256GB 果部,都已經過萬,簡直是貴到版主都唔知講咩好。同時,其實睇完發佈會直播,感覺新 iPhone 進步並不是太多,最有用的賣點,可能咪就係多咗雙卡囉......如果無必要用雙卡嘅,有必要要買 iPhone XS 系列嗎?個人覺得無乜大必要。

    外型都同舊代 iPhone X 相當接近,咁唔知網友又會唔會考慮返舊代手機呢?版主行場時發現,豐澤仲有賣 iPhone X,而且急住將佢劈價清貨喎。平時版主報先達價時,網友又怪版主報先達價,咁而家豐澤呢啲大舖夠穩陣了吧?你又會唔會肯去衝呢?講返個價,iPhone X 64GB 豐澤清貨價為 $7799,而 256GB 清貨價則為 $9099,留意返佢個價,都係跟返新機咁,由「88」尾變成「99」尾。呢個價位,係就係比起先達貴,但咁講求穩陣嘅網友,豐澤買機應該最適合。你又點睇呢個價呢?留言講下啦!

    唔係話下架咩?舊代 iPhone X 大舖照賣,劈價求清貨!

    新 iPhone 好吸引?好想最快上手玩新機?識買一定要嚟呢度買:聽聞咁多網絡商之中, csl 同 1010 有最多貨,不特止,喺呢兩間網絡商度預訂,仲可以最快拎到貨添!想要快人一步獲得最新機皇情報同精彩禮遇,就即刻撳入嚟呢度 登記咗先啦! URL : https://goo.gl/nXqi2F

    立即加入Facebook 專頁,新聞/消息/優惠,最快知。

    01樓 ▲TOP 回列表頁