主題:【討論】你收過最廢聖誕禮物是......? 呢份禮物會唔會令你 X 出來?

ePrice HK
  • 發表時間:2019-12-24 17:56 收錄檢舉
    記得以前細細個,讀書聖誕聯歡會好興玩交換禮物,到今日好似依然保留到呢個習慣,好似成為了每年必做的事。而你收過最廢的聖誕禮物係咩呢? 我見過最搞笑係送 dom dom,細個嘛,邊有用啫,果陣咪覺得廢囉~(大個知道好有用 表情 #4) 而 Apple 又同大家玩「交換禮物」,呢份禮物會唔會令你 X 出來呢?睇下文啦!

    【討論】你收過最廢聖誕禮物是......? 呢份禮物會唔會令你 X 出來?

    是咁的,聖誕節嘛,Apple 都要搞啲新意㗎嘛,今年就會推出一連六日嘅「驚喜」,第一日就先同你玩個「交換禮物」,點解叫交換禮物呀,你一手交錢,佢畀遊戲道具你,而且係咩呀,無得揀 Game 㗎,限定係一隻叫《 Looney Tunes World of Mayhem》嘅遊戲,4 折買佢嘅 Holiday Boost Packs,內附 200 粒寶石同埋黃金券。

    嘩,咩 Game 嚟架,版主孤陋寡聞,連聽都未聽過...... 我記得以前啲優惠無咁 XX 架囉 (自行填充 e.g. 有誠意 / 着數)。睇完,大家有無想 X 出來的衝動呢?(自行填充 e.g. 笑 / 喊 / 開心到跳起)

    而家就要睇埋之後果幾日會有乜特別「禮物」,大家最想 Apple 會推出乜優惠呢? 而你收過最廢嘅聖誕禮物係咩呢?留言討論下啦!

    最後祝大家聖誕快樂🎄~

    【討論】你收過最廢聖誕禮物是......? 呢份禮物會唔會令你 X 出來?

    來源:Apple App Store

    立即加入Facebook 專頁,新聞/消息/優惠,最快知。

    01樓 ▲TOP 回列表頁